“Cegu Lasa,” Me iSakisaki ni iTabagone, Sepi. 2022.
Cegu Lasa
Wasea na Nomu Qito ni Tautuba
Na cava eso na nomu qito taleitaki mo qitora e tautuba kei ira na itokani se matavuvale? Rakavi veitara? Vokisi Qaseqase? Vuni kei na vakasaqara? Toboka na kuila? Oqori e vica walega na qito e tautuba mai na veiyasai vuravura, ia keimami kila ni levu sara o ni rawa ni tukuna vei keimami.
Yalovinaka vakauta mai e dua na ivakamacala ni nomu qito taleitaki e tautuba (kei na dua na itaba, kevaka e rawa) ki na ftsoy@ChurchofJesusChrist.org ni bera nai ka 1 ni Okotova, 2022. Keitou na kumuna ka wasea eso na vakasama taleitaki me rawa ni da vulica taucoko e vica tale.
Na Sala Lasa Eso me Wiliki Kina na iVolanikalou
Ena so na iwalewale vou, o na rawa ni tovolea mada e dua vei ira na vakatutu oqo me baleta na wiliki ni ivolanikalou.
-
Vakasamataka e dua se rua na tamata o kila e sotava tiko na dredre ka wilika na ivolanikalou e semati ki na nodra gagadre.
-
Cakava e dua na vakatasuasua se wilika vakadrama na nomu ivolanikalou taleitaki.
-
Mo ni veivukevuke vakamatavuvale se itokani, ena nomuni katokatoni taki kemuni tiko ni wiliki tiko na ivolanikalou. Qai vakauta na katokatoni oqori ki vei ira o sega ni dau raica wasoma, me vaka e dua na daukaulotu.
-
Cakava e eso na matakau sitokini ka vakayaco vakatasuasua me baleta e dua na iwase se italanoa mai na ivolanikalou.
-
Wilika vata kei na dua ena qiri ena vidio se ena talevoni.
-
Kevaka o vulica tiko e dua tale na vosa, tovolea mo wilika na ivolanikalou ena vosa o ya ka qai vakadewataka lesu tale ki na nomu vosa.
-
Sarava na vidio ni ivolanikalou mai na Gospel Library (ena ruku ni Vidio kei na iYaloyalo). Qai wilika na veimalanivosa se wase e veisotari kei na vidio.
iBa ni Veimama kei Vuravura
Era sa lulutu na draunikau ena vualiku ni veimama ni noda vuravura ka ra se na senikau ena ceva. Vakasaqara e dua na sala mai na draunikau damudamu e cake ki na draunikau dromodromo e botona. E rawa ni o toso ki na imawi, imatau, cake, se ki ra (sega ni vakasarivirivi) ena maliwa ni ivakatakarakara e tautauvata na kedrau ibulibuli se roka. Sa vakaraitaki toka e rua na ivakaraitaki ni toso. E vuqa tu na sala e rawa ni vakacavari kina na iba.
Komiki eso
Ei, na qasenivuli vou e sega ni vinakata me da kana drega ena kalasi! Qarauna na tikina au a solia vei iko.
Ryan Stoker
A tara na nona vale ena dela ni nuku na tamata lialia—au mani tara kina na noqu ena dua tale na yavu.
Val Chadwick Bagley