Yavu Tudei Eso

Itabagone Yalododonu Edaidai, era tara cake na nodra bula ena Uluvatu neiJisu Karisito (raica na Ilamani 5:12).

Na Nuiqawaqawa ni Toki

A dau toki vakavuqa na noqu matavuvale ena gauna au a tubu cake voli mai kina. E a dau dredre me‘u vakamatautaki au ki na veivanua vovou, ia ena itekivu ni yabaki ni noqu vuli torocake, au a taleitaka na vanua keitou tiko kina. Ia, a veisau na veika taucoko, ena gauna a takali kina na tukaqu ka rau nanuma na noqu itubutubu me keitou sa toki voleka yani vei buqu. Au a nuiqawaqawa taka na toki tale oqo. Au a cakacaka sara vakaukauwa me‘u vakaitavi e koronivuli ka vakaitokani.

Sa yaco me‘u yaloca ka‘u a veiba kei rau na noqu itubutubu me baleta na toki. Rau a vakayaloqaqataki au na noqu itubutubu me‘u masulaka. Au a tovolea ia au a sega ni ciqoma e dua na isaunimasu. Dina ga ni‘u yalorarawa, au a nanuma me‘u masu tale mada vakadua. Ni bera ni‘u rawa ni tekivu, au a rogoca e dua na domo makare ena noqu vakasama ni kaya, “Rachel, o sega ni rogoca e dua na kena isau baleta ni o sega ni vinakata e dua.” Au a kurabui sara ga. Ni oti vakalailai, sa tekivu me duatani na noqu masu. Au sovaraka yani na yaloqu vua na Tamada Vakalomalagi ka taroga na ka e gadreva o Koya me‘u cakava.

Na itovo ni yalo au a vakila sa ikoya ni dodonu me toki na noqu matavuvale. Ni oti na noqu vakamalumalumutaki au ka ciqoma na ka e vinakata na Tamada Vakalomalagi, au a vakila na vakacegu. E a sega ni dau rawarawa, ia au kila ni keitou sa tiko ena vanua e gadreva na Turaga me keitou tiko kina. Na veika au sotava oqo a vukei au me‘u toro voleka vua na noqu iVakabula ka me yaco me‘u yacova yani na itutu ni tamata e gadreva o Koya me‘u vaka-taka.

Rachel H., Washington, Amerika