“E yalani beka na levu ni gauna au rawa ni veivutuni kina?,” Me iSakisaki ni iTabagone, Sepi. 2022.
Ki Utona
E yalani beka na levu ni gauna au rawa ni veivutuni kina?
Ni o gadreva dina mo veivutuni, e rawa ni ka ni rarawa kevaka o lutu tale. Ia ena vuku ni Veisorovaki tawayalani i Jisu Karisito, na loloma veivueti kei na loloma soliwale ni Kalou ka tawayalani, ko sa rawa tikoga ni veivutuni ka bula kilikili. Nanuma ni “veivutuni e sega ni caka ga vakadua; e tomani tiko ga” kei na “gauna eda digitaka kina me da veivutuni, … eda digitaka me da … ciqoma na reki.”1
Na veivutuni e dau tu ga, kevaka sara mada ga o vakayacora tale na cala vata ga. Sa kaya na Turaga, “Ia ena veigauna kece era veivutuni kina na noqu tamata, au na vosota kina na nodra lako sese vei au” (Mosaia 26:30). Mo dua vei ira na “Nona tamata,” ka lesu tale ki vua na Turaga ena veigauna kece o lako sese kina. Mo veitalanoa talega kei rau na nomu itubutubu kei na nomu bisopi. Na nodratou veivuke kei na veitokoni e rawa ni vakaqaqacotaki iko.
Kevaka o saga tiko mo ulabaleta e dua na ivalavala ca, kakua ni soro. Ena vinakata beka o Setani mo vakabauta ni o na sega ni qaqa rawa se sa oti kece na madigi mo vakayacora kina e dua na ka. Ia e sega ni dina oya. Sasaga tikoga. Na Turaga e dau ciqoma na veivutuni dina mai vu ni yaloda.