Yavu Tudei Eso

iTabagone Yalododonu Edaidai, era tara cake na nodra bula ena Uluvatu nei Jisu Karisito (raica na Ilamani 5:12).

Na Maka e Rawati ena Dina

na goneyalewa e koronivuli

Droini mai vei Katie Payne

E koronivuli, a vinakata o noqu qasenivuli ni chemistry me tutaka na dina ena nona kalasi. A tukuna vei keimami me keimami dui makataka ga na nemami pepa ka ripotetaka na maka keimami dui rawata. Ni‘u dikeva na noqu isaunitaro, au a temaki me‘u kuria e dua ga na poidi ki na kequ maka. Au a gadreva ga na dua na poidi o ya me‘u pasitaka kina na veitarogi. Au a mai dabe toka yani, ka‘u mai vakasamataka voli yani na cava me‘u cakava.

Ni‘u dabe ka vakasama toka, au a nanuma mai vakasauri e dua na malanivosa nei Peresitedi Gordon B. Hinckley (1910–2008) au a biuta tu ena daku ni noqu kadi ni ivakatakilakila: “Sa dua na ka veivakarusai e dua na lawaki lailai. … Ena rawa ni ceguva na isoqosoqo na yali ni lavo, ia na tamata ena sega ni rawa ni laiva me vakayali na nona rokovi koya vakatakikoya” (“Au Vakabauta,” Ensign, Okos. 1992, 5). Ena ruku ni vosacavuti oya a toka kina na malanivosa: “Kevaka e a duri toka e yasaqu na iVakabula, au na cakava beka na veika au cakava tiko?”

Au a vakila na vakacegu kei na marau ni‘u sa kila na ka e dodonu me‘u cakava. Au a sega ni veisautaka na kequ maka, ia au kila ni‘u sa rawata e dua na veitarogi e bibi cake—na veitarogi ni lomadina—ka‘u a vakasakita na digidigi au a cakava.

Natalie A., Filipaini