« Tū’ati », Nō te Pūai o te Feiā ’Āpī, Tetepa 2022.
Tū’ati
Lindsey B.
15, Kentucky, Marite
Hōho’a nā Christina Smith
E 15 matahiti tō’u, tei te matahiti piti au i te fare ha’api’ira’a tuarua. E ha’uti au e toru tū’aro : te taorara’a pōpō i roto i te ’ete, te pā’ira’a pōpō ’e te huira’a pōpō. Tei tō’u orara’a tā’āto’a te tū’aro ’e te ’utuāfare.
I te roara’a o te TŌVĪ, mā tē pāpū ’ore o te matahiti ha’api’ira’a, ’ua tu’u vau i tō’u ti’aturira’a i te Fatu ra i te mea ho’i ’ua ’ite ’oia i te mea maita’i a’e nō te ta’ata tāta’itahi. Nō tē ho’ira’a i te ha’api’ira’a mea au a’e nā’u e pūhapa roa i reira, o te mea maita’i roa a’e nō’u, nō te mea e ’ere au i te hō’ē ta’ata ha’api’i ’ōhie.
I roto i tā’u fare ha’api’ira’a e toru ana’e melo o te ’Ēkālesia. E mea fifi ri’i rā nō te mea ’aita rātou i roto i tā’u piha ha’api’ira’a ’aore rā i tā’u fāito ha’api’ira’a. Terā rā, noa atu, ’aita te rahira’a o tō’u mau hoa e Feiā Mo’a i te Mau Mahana Hope’a nei, e roa’ahia rā iā’u i te tahi mau ta’ata e peu maita’i tā rātou. E tauturu te reira iā’u ’ia vai noa i pīha’i iho i te mau ta’ata e’ita e ’ume iā’u i raro.
’Ia « … fa’aro’o iāna », e mea au nā’u ’ia rave i te taime o vau ana’e ’e ’ia pure ’e ’ia ’imi i te mau pāpa’ira’a mo’a nō ni’a i tō’u mau fifi. ’A nā reira ai au, e tauturu te reira ravera’a iā’u ’ia ’ite e aha tā te Fatu e hina’aro iā’u ’ia rave i roto i te hō’ē ti’ara’a ’e ’ia feruri e aha tāna e rave.