Mau niu pāpū

Feiā ’āpī feiā mo’a i te mau mahana hope’a nei, e patu i tō rātou orara’a i ni’a i te papa o Iesu Mesia (hi’o Helamana 5:12).

Te fifi nō te taui i te vāhi fa’aeara’a

E rave rahi tō tō’u ’utuāfare tauira’a i te vāhi fa’aeara’a, ’a tupu tino noa ai au. Te ha’amātaura’a i te mau vāhi ’āpī e mea fifi roa, terā rā i te matahiti mātāmua nō tā’u ha’api’ira’a tuarua, ’ua au roa vau te vāhi i reira mātou i te fa’aeara’a. Teie rā, ’ua taui te mau mea ato’a i te pohera’a tō’u pāpā rū’au, ’e ’ua fa’aoti tō’u nā metua e ha’afātata atu ā i tō’u māmā rū’au. ’Ua pe’ape’a vau ’ia taui fa’ahou te vāhi fa’aeara’a. ’Ua ’ohipa itoito vau nō te fa’aō i te fare ha’api’ira’a ’e nō te fa’ahoa atu.

’Ua ’ino’ino roa vau ’e ’ua mārō i tō’u nā metua nō ni’a i te tauira’a. ’Ua fa’aitoito mai tō’u nā metua, ’ia pure au nō te reira. ’Ua tāmata vau ’aita rā i fāri’i i te hō’ē a’e pāhonora’a. Noa atu tō’u ino’ino, ’ua fa’aoti au e pure fa’ahou ā. Hou vau ’a ha’amata ai, ’ua fa’aro’o vau i te hō’ē reo pāpū maita’i i roto i tō’u ferurira’a i te paraura’a ē, « e Rachel, ’aita ’oe e fāri’i i te pāhonora’a nō te mea ’aita ’oe i hina’aro i te reira ». ʼUa māere rahi au. Ma’a taime i muri a’e, ’ua ha’amata vau i te pure maita’i a’e. ’Ua nīni’i au i tō’u ’ā’au i te Metua i te ao ra, ’e ’ua ani e aha tāna e hina’aro ’ia rave au.

Te mana’o tei tae mai, ’oia ho’i, e ti’a i tō’u ’utuāfare ’ia taui te fa’aeara’a. I muri a’e i te fa’aha’eha’ara’a iā’u iho ’e te fāri’ira’a i te mea tā te Metua i te ao ra e hina’aro, ’ua ’ite au te hau. E ’ere i te mea ’ōhie noa, ’ua ’ite rā vau ē tei reira mātou i te vāhi tā te Fatu e hina’aro ’ia vai mātou. Nā teie ’ohipa i tupu i tauturu iā’u ’ia ha’afātata atu ā i tō’u Fa’aora ’e ’ia ha’afātata atu ā nō te riro mai ’ei ta’ata ’o tāna e hina’aro ’ia riro mai au.

Rachel H., Washington, Marite