« Vāhi fa’a’āreareara’a », Nō te Pūai o te Feiā ’Āpī, Tetepa 2022.
Vāhi fa’a’āreareara’a
Fa’a’ite i tā ’outou mau ha’uti nā rāpae’au
E aha te tahi o tā ’outou mau ha’uti au roa a’e, nō te ha’uti i rāpae’au ’e te mau hoa ’aore rā te ’utuāfare ? Haru i te ta’ata horo ’Ārope rāmā ? Tāpuni ’e e ’imi ? Moeapa te reva ’O te tahi noa teie o te mau ha’uti nā rāpae’au e ha’utihia nā te ao nei, ’ua ’ite rā mātou ē, e rave rahi atu ā tā ’outou e nehenehe e parau mai ia mātou.
’A hāpono mai i te hō’ē fa’ata’ara’a nō tā ’outou ha’uti au roa i rāpae’au (ma te hō’ē hōho’a, mai te mea e nehenehe) i ftsoy@ChurchofJesusChrist.org nā mua a’e i te 1 nō ’Ātopa 2022. E ha’aputu ’e e fa’a’ite mātou i te tahi o te mau mana’o au roa a’e, ’ia ti’a ia tātou pā’āto’a ’ia ’apo mai hau atu.
Te tahi mau rāve’a ’ārearea nō te tai’o i te mau pāpa’ira’a mo’a
Nō te taui i te mau mea, ’a tāmata atu i te hō’ē o teie mau mana’o tauturu nō te tai’ora’a i te pāpa’ira’a mo’a.
-
’A feruri i te hō’ē ’aore rā e piti ta’ata ’o tā ’outou i mātau e fifi ra, ’e ’a tai’o i te mau pāpa’ira’a mo’a e tū’ati i tō rātou mau hina’aro.
-
’A fa’atupu i te hō’ē teata ta’ata ora ’aore rā hō’ē tai’ora’a teata nō tā ’outou ’ā’amu au roa o te mau pāpa’ira’a mo’a.
-
’Ei ’utuāfare ’aore rā ’ei mau hoa, te hō’ē i muri mai i te tahi, ’a haruharu ia ’outou e tai’o ra i te mau pāpa’ira’a mo’a. ’A hāpono atu i muri iho i teie mau haruharura’a i te tahi atu mau ta’ata ’o tā ’outou e ’ore e ’ite pinepine nei, mai te hō’ē misiōnare.
-
’A hāmani i te mau pēpe hurio i te tōtini ’e ’a rave i te hō’ē ha’utira’a pēpe hurio nō te hō’ē pene ’aore rā te hō’ē ’ā’amu nō roto mai i te mau pāpa’ira’a mo’a.
-
’A tai’o ’āmui i te reira nā roto i te hō’ē video ’aore rā, te hō’ē pi’ira’a niuniu ’e te hō’ē hoa.
-
Mai te mea tē ha’api’i nei ’outou i te hō’ē reo ’āpī, ’a tāmata i te tai’o i te mau pāpa’ira’a mo’a nā roto i te reira reo, i muri iho e ’īriti fa’ahou te reira nā roto i tō ’outou iho reo.
-
’A māta’ita’i i te mau video nō ni’a i te mau pāpa’ira’a mo’a i roto te Vaira’a buka ’evanelia (raro a’e te mau video ’e te mau hōho’a). I muri iho e tai’o i te mau tuha’a ’aore rā mau pene e tū’ati i te mau video.
Ara ha’afifi o te ’api fenua
Tē topa nei te mau rau’ere i roto i te ’api fenua apato’erau ’āre’a rā te mau tiare tē ’ūa’a nei ïa i apato’a. ’A ’imi i te hō’ē ’ē’a nā rotopū i te rau’ere ’ute’ute i ni’a ’e te rau’ere re’are’a i raro. E nehenehe e ’ōu’a i te pae ’aui, i te pae ’atau, i ni’a ’aore rā i raro (’eiaha rā e taipe) nā rotopū i te mau tāpa’o e hō’ē ā hōho’a ’aore rā ’ū. E piti hi’ora’a nō te ha’utira’a tei fa’a’itehia. ’Ua hau atu i te hō’ē rāve’a nō te fa’aoti i te ara fifi.
Buka hōho’a pāpa’i
Hey, ’aita te ’orometua ha’api’i ’āpī e au, ’ia vai i roto i te piha ha’api’ira’a te monamona ’amu’amu. ’A hi’o maita’i i te tuha’a tā’u i hōro’a atu nā ’oe.
Ryan Stoker
’Ua patu te ta’ata ma’ama’a i tōna fare i ni’a i te one—nō reira ’ua patu vau i tō’u i ni’a i te tahi atu mea.
Val Chadwick Bagley