Pāhono ’āfaro atu

Tē vai ra ānei te ’ōti’a nō te rahira’a taime e ti’a ai iā’u ’ia tātarahapa ?

’Ia hina’aro mau ana’e ’outou e tātarahapa, e riro te reira ’ei fa’a’erera’a mai te mea e rave fa’ahou ’outou i te hapa. Maoti rā te tara’ehara mure ’ore a Iesu Mesia, e mea mure ’ore te hāmani maita’i ’e te aroha o te Atua, ’e e nehenehe noa ā ’outou e tātarahapa ’e ’ia vai ti’amā. ’A ha’amana’o ē, « e ’ere te tātarahapa i te hō’ē ’ohipa e tupu ; e ravera’a ra » ’e « ia mā’iti ana’e tātou e tātarahapa… tē mā’iti ra ïa tātou ia… fāri’i i te ’oa’oa ».¹

E vai noa te tātarahapa, noa atu ’ua rave fa’ahou ’outou i te reira hape. ’Ua parau te Fatu ē, « E ’ua tātarahapa ana’e tō’u mau ta’ata, e fa’a’ore au i tā rātou mau hara iā’u » (Mosia 26:30). ’Ia riro ’ei hō’ē o « tōna mau ta’ata », ’e ’a ho’i mai i te Fatu ra i te mau taime ato’a e hahi ’ē atu ’outou. ’A paraparau ato’a i tō ’outou nā metua ’e i tō ’outou ’episekōpo. E ha’apūai tā rātou tauturu ’e tā rātou pāturura’a ia ’outou.

Mai mea tē fifi ra ’outou nō te upo’oti’a i ni’a i te hō’ē hara, ’eiaha e fa’aru’e. Tē hina’aro nei paha Sātane e fa’ati’aturi ia ’outou ē, ’aita e rāve’a fa’ahou nō ’outou, ’aore rā ’ua fāna’o ’outou i te mau rāve’a ato’a ’o tā ’outou e fāri’i atu. E ’ere rā i te parau mau. ’A tāmau ā i te tāmata. E fāri’i noa te Fatu i te tātarahapara’a mau.

Fa’ata’ara’a

1. Russell M. Nelson, « E nehenehe tātou e rave maita’i a’e ’e e ha’amaita’i ia tātou », (Ensign ’aore rā Liahona, Mē 2019, 67)