Lindsey B.

15, Kenitaki, USA

ʻĪmisi

finemui

Faitā ʻa Christina Smith

ʻOku ou taʻu 15, pea ko hoku taʻu hono ua ʻeni ʻi he ako māʻolungá. ʻOku ou vaʻinga ʻi ha sipoti ʻe tolu: pasiketipoló, volipoló, mo e sofipoló (softball). ʻOku meimei fekauʻaki ʻeku moʻuí kotoa mo e ngaahi sipotí moe fāmilí.

ʻI he lolotonga ʻa e COVID, fakataha mo e taʻepau ʻo e taʻu fakaakó, naʻe pau ke u falala ʻoku ʻafioʻi ʻe he ʻEikí ʻa e meʻa ʻoku lelei tahá maʻá e tokotaha kotoa pē. Naʻe pau ke foki ʻemau akó ki he ʻapiakó, ʻa ia ko e lelei taha ia kiate aú, he ʻoku ʻikai ko ha tokotaha ako lelei au mei he feituʻu mamaʻo.

ʻOku toko tolu pē ʻa e mēmipa ʻo e Siasí ʻi hoku ʻapiakó. ʻOku kiʻi faingataʻa he ʻoku ʻikai ke nau ʻi heʻeku ngaahi kalasí pe toʻu kalasí. Neongo kapau ko e tokolahi taha hoku ngaahi kaungāmeʻá ʻoku ʻikai ke nau kau ki he Siasí, ʻoku ou lava pē ʻo maʻu ha niʻihi kehe mo ha ngaahi tuʻunga moʻui ʻoku leleí. ʻOku tokoni ia ke u feohi mo e kakai he ʻikai ke nau tukuhifo au.

Ke “Fanongo kiate Iá,” ʻoku ou saiʻia ke maʻu ha kiʻi taimi maʻaku toko taha pē ʻo lotu mo kumi ha ngaahi potufolofola fekauʻaki mo ʻeku ngaahi palopalemá. ʻOku tokoni ʻeku fakahoko ʻení ke u ʻilo e meʻa ʻoku finangalo ʻa e ʻEikí ke u fai ʻi ha tūkunga pau pea mo fakakaukau ki he founga te Ne tali ʻaki iá.