“Ko e Maaka Faitotonú,” Ki Hono Fakamālohia ʻo e Toʻu Tupú, Sepitema 2022.
Ngaahi Makatuʻunga Mālohí
Ko hono langa hake ʻe he toʻu tupu ʻo e Siasí ʻenau moʻuí ʻi he Maka ʻo Sīsū Kalaisí (vakai, Hilamani 5:12).
Ko e Maaka Faitotonú
Tā fakatātaaʻi ʻe Katie Payne
ʻI he akó, naʻe loto ʻeku faiako kemisitulií ke poupouʻi e faitotonú ʻi heʻene kalasí. Naʻá ne talamai te mau takitaha fakatonutonu pē ʻene sivi pea ui ange homau māká. ʻI heʻeku vakaiʻi ʻeku ngaahi talí, naʻe ʻahiʻahiʻi au ke u tānaki ha foʻi poini pē ʻe taha ki hoku māká. Naʻá ku fie maʻu e foʻi poini pē ʻe taha ko iá ke lava ʻeku siví. Naʻá ku tangutu ai ʻi ha kiʻi taimi, mo fifili pe ko e hā te u faí.
Lolotonga ʻeku tangutu ai ʻo fakakaukaú, naʻá ku manatuʻi fakafokifā ha kupuʻi lea meia Palesiteni Kōtoni B. Hingikelī (1910–2008) naʻá ku fakapipiki ʻi he tafaʻaki ki mui ʻo ʻeku kaati fakafonuá: “He toki meʻa fakatupu ʻauha ko ha kiʻi taʻefaitotonu. … Mahalo ʻe lava pē ke matuʻuaki ʻe he kautahá ʻa e mole ʻo e paʻangá, ka he ʻikai lava ʻe he fakafoʻituituí ʻo totongi ʻa e mole ʻo e fakaʻapaʻapa fakatāutahá” (“I Believe,” Ensign, Aug. 1992, 5). Naʻe ʻi lalo ʻi he fakamatala ko iá ʻa e kupuʻi lea: “Kapau naʻe ʻi hoku tafaʻakí ʻa e Fakamoʻuí, te u fai nai ʻa e ngaahi meʻa ʻoku ou faí?”
Naʻá ku ongoʻi nonga mo fiefia ʻi he taimi naʻá ku ʻiloʻi ai ʻa e meʻa naʻe totonu ke u faí. Naʻe ʻikai ke u liliu hoku maaka tōnounoú, ka naʻá ku ʻiloʻi kuó u lavaʻi ha sivi mahuʻinga ange—ʻa e sivi ʻo e faitotonú—pea naʻá ku laukau ʻaki e fili ne u faí.
Natalie A., ʻOtu Motu Filipainí