“ʻOku ʻi ai nai ha fakangatangata ki he tuʻo lahi ʻo ʻeku lava ʻo fakatomalá?,” Ki Hono Fakamālohia ʻo e Toʻu Tupú, Sepitema 2022.
ʻAi Hangatonu
ʻOku ʻi ai nai ha fakangatangata ki he tuʻo lahi ʻeku lava ʻo fakatomalá?
ʻI he taimi ʻokú ke holi moʻoni ai ke fakatomalá, ʻe lava ke hoko ia ko ha meʻa faingataʻa kapau te ke toe fakahoko ha fehalaaki. Ka koeʻuhí ko e Fakalelei taʻefakangatangata ʻa Sīsū Kalaisí, ʻoku taʻe fakangatangata ai ʻa e ʻaloʻofa mo e manavaʻofa ʻa e ʻOtuá, pea te ke kei lava pē ʻo fakatomala pea moʻui taau. Manatuʻi ko e “fakatomalá ʻoku ʻikai ko ha meʻa pē ʻoku hoko; [ka] ko ha ngāue” pea ʻi he “taimi ʻoku tau fili ai ke fakatomalá, … ʻoku tau fili ke … [maʻu ʻa e] fiefiá.”1
ʻOku ʻatā maʻu pē ʻa e fakatomalá, neongo kapau kuó ke toe fai ʻa e fehalaaki tatau. Kuo folofola ʻe he ʻEikí, “ʻIo, pea ʻo ka fakatomala maʻu pē ʻa hoku kakaí te u fakamolemoleʻi ʻa kinautolu ʻi heʻenau ngaahi angahala kiate aú” (Mōsaia 26:30). Hoko ko e taha ʻo “Hono kakaí,” pea foki ki he ʻEikí ʻi ha taimi pē te ke hē ai. Talanoa foki ki hoʻo ongomātuʻá mo hoʻo pīsopé. ʻE lava ke fakamālohia koe ʻe heʻenau tokoní mo e poupoú.
Kapau ʻokú ke faifeinga ke ikunaʻi ha angahala, ʻoua naʻá ke foʻi. Mahalo ʻoku fie maʻu ʻe Sētane ke ke tui kuó ke taumuʻavalea pe kuo ʻosi e ngaahi faingamālie kuo tuku atú. Ka ʻoku ʻikai ke moʻoni ia. Feinga pē. ʻOku talitali lelei maʻu pē ʻe he ʻEikí ʻa e fakatomala moʻoní.