“Kiʻi Taimi Fiefiá,” Ki Hono Fakamālohia ʻo e To‘u Tupú, Sepitema 2022.
Kiʻi Taimi Fiefiá
Vahevahe Hoʻo Ngaahi Vaʻinga ʻi Tuʻá
Ko e hā ha niʻihi ʻo e ngaahi vaʻinga ʻokú ke saiʻia taha ai ke fakahoko ʻi tuʻa mo hoʻo ngaahi kaungāmeʻá pe fāmilí? ʻAkapulu malemale? Sly fox? Langatoí? Kaihaʻa fuká? Ko ha niʻihi pē ʻena ʻo e ngaahi vaʻinga ʻi tuʻa ʻoku fakahoko ʻi he funga ʻo e māmaní, ka ʻoku mau ʻilo ʻoku lahi mo ha ngaahi vaʻinga kehe te ke lava ʻo vahevahe mai.
Kātaki ʻo ʻave ha fakamatala ʻo e vaʻinga ʻi tuʻa ʻokú ke saiʻia taha aí (mo ha tā, kapau ʻe lava) ki he ftsoy@ChurchofJesusChrist.org kimuʻa ʻi he ʻaho 1 ʻo ʻOkatopa, 2022. Te mau tānaki mo vahevahe ha niʻihi ʻo e ngaahi fakakaukau ʻoku manakoa tahá koeʻuhí ke tau lava kotoa ʻo ako ha meʻa lahi ange.
Ngaahi Founga Fakafiefia ke Lau ʻAki e Folofolá
Ke fulifulihi e ngaahi meʻá, ʻe lava ke ke ʻahiʻahiʻi ha taha ʻo e ngaahi fokotuʻu ko ʻení ki hono lau ʻo e folofolá.
-
Fakakaukau ki ha toko taha pe toko ua ʻokú ke ʻiloʻi ʻoku faingataʻaʻia peá ke lau e ngaahi potufolofola ʻoku fekauʻaki mo ʻenau ngaahi fiemaʻú.
-
Fakaʻaliʻali ha foʻi tulama pe laukonga fakatulamaʻi e foʻi talanoa fakafolofola ʻokú ke saiʻia taha aí.
-
Taufetongi mo hoʻo fāmilí pe kaungāmeʻá ʻi hono lekooti hoʻomou lau e folofolá. ʻAve leva e ngaahi lekooti ko iá ki he kakai kehe ʻoku ʻikai ke ke faʻa sio ki aí, ʻo hangē ko ha faifekau.
-
Ngaohi ha fanga kiʻi tamapua sitōkeni pea ʻai ha kiʻi tulama tamapua ke fakaʻaliʻali ʻaki ha vahe pe foʻi talanoa mei he folofolá.
-
Lau fakataha kinautolu ʻi ha talanoa vitiō pe telefoni mo ha taha.
-
Kapau ʻokú ke ako ha lea fakafonua ʻe taha, ʻahiʻahi lau e folofolá ʻi he lea fakafonua ko iá pea liliu fakafoki ia ki hoʻo lea fakafonuá.
-
Mamata ʻi he ngaahi vitiō fakafolofolá mei he Gospel Library (ʻi he Ngaahi Vitioó mo e Ngaahi ʻĪmisí). Hili iá pea lau e ngaahi potufolofola pe ngaahi vahe ʻoku tatau mo e ngaahi vitioó.
Hala Fihifihi ʻo e Hemisifiá
ʻOku tō ʻa e ngaahi lauʻiʻakaú ʻi he hemisifia fakatokelaú kae matala ʻa e matalaʻiʻakaú ʻi he fakatongá. Kumi ha hala mei he lauʻiʻakau kulokula ʻi ʻolungá ki he lauʻiʻakau lanu engeenga ʻi laló. Te ke lava ʻo puna fakalaka ki he tafaʻaki toʻohemá, toʻomataʻú, ʻolunga, pe ki lalo (kae ʻikai fakahihifi) ʻi he ngaahi fakaʻilonga ʻoku fōtunga pe lanu tataú. Ko ha sīpinga ʻena ʻe ua ʻoku fakaʻaliʻali atú. ʻOku lahi ange ʻi he tahá ʻa e ngaahi founga ke fakakakato ai ʻa e hala fihifihí.
Fanga Kiʻi Fakakatá
Hei, ʻoku ʻikai saiʻia e faiako foʻoú ʻi heʻetau lamu pulole ʻi he kalasí! Tokangaʻi e konga ne u ʻoatu kiate koé.
Ryan Stoker
Naʻe langa ʻe he tangata valé hono falé ʻi he ʻoneʻoné—ko ia ne u langa ʻe au hoku falé ʻi ha meʻa kehe.
Val Chadwick Bagley