Վերջին խոսքը

Սովորեք Հիսուս Քրիստոսի մասին և ստացեք Նրա զորությունը

Նախագահ Ռասսել Մ. Նելսոն

Հիսուս Քրիստոսի Վերջին Օրերի Սրբերի Եկեղեցու Նախագահ

Ռասսել Մ. Նելսոն

2017 թ․ ապրիլի գերագույն համաժողովի ելույթից։

Ես ցանկանում եմ խոսել, թե ինչպես կարող ենք մեր Տեր և Վարդապետ Հիսուս Քրիստոսի զորությունը մեր կյանք հրավիրել:

Մենք սկսում ենք սովորել Նրա մասին։¹ «Անհնար է, որ [մենք] փրկվենք անգիտության մեջ» (Վարդապետություն և Ուխտեր 131․6)։ Որքան շատ ենք հասկանում Նրա վարդապետությունը, և թե ինչ է արել Նա մեզ համար, այնքան ավելի շատ ենք իմանում, որ Նա կարող է զորություն տալ մեզ, որի կարիքն ունենք այս կյանքում:

Մենք՝ որպես Վերջին Օրերի Սրբեր, Նրա առաքելությունը կոչում ենք Հիսուս Քրիստոսի Քավություն, ինչը բոլորի համար իրականություն դարձրեց հարությունը և հնարավոր դարձրեց հավերժական կյանքը նրանց համար, ովքեր ապաշխարում են իրենց մեղքերից և ստանում ու պահում են փրկարար արարողություններն ու ուխտերը:

Ըստ Հոր մեծ հավերժական ծրագրի՝ Փրկիչն էր, որ տառապեց: Փրկիչն էր, որ կոտրեց մահվան կապանքները: Փրկիչն էր, որ վճարեց մեր մեղքերի ու օրինազանցությունների գինը՝ ջնջելով դրանք՝ մեր ապաշխարության պայմանով: Փրկիչն է, որ մեզ ազատում է ֆիզիկական և հոգևոր մահից:

Քավություն և Հարություն սրբազան եզրույթները նկարագրում են այն, ինչ Փրկիչն արեց ըստ Հոր ծրագրի, որպեսզի մենք կարողանանք հույսով ապրել այս կյանքում և ձեռք բերել հավերժական կյանք՝ գալիք աշխարհում:

Անգիտություն․ Ինչ-որ բանի մասին գիտելիք չունենալը։

Պայման. Պահանջ․ մի բան, որը պետք է արվի, նախքան որևէ այլ բան անելը:

Ահա Հիսուս Քրիստոսի մասին սովորելու և ավելի մոտենալու այլ եղանակներ.

• սուրբ գրություններ

  Նկարները՝ Մելորի Քլինգերի

  Փնտրեք, թե ինչ ասաց և արեց Փրկիչը սուրբ գրություններում:

• աղջիկը մտածում է Հիսուս Քրիստոսի մասին

  Ընտրեք հետևել Նրան:

• մկրտություն

  Սուրբ ուխտեր կապեք և պահեք դրանք:

• աղոթք

  Հավատքով ձգտեք Նրան:

Նշում

1. Դուք կարող եք ուսումնասիրել սուրբ գրությունների հղումների Թեմատիկ ուղեցույցը «Հիսուս Քրիստոս» «Կենդանի Քրիստոսը՝ Առաքյալների վկայությունը», ChurchofJesusChrist.org)։