Spurningar og svör

„Það var frábært að meðtaka sakramentið heima. Af hverju myndi Drottinn vilja að við færum aftur í kirkju?“

„Kirkjuástundun [veitir] okkur styrk og aukningu trúar sem kemur frá samfélagi við aðra trúaða og að tilbiðja saman með þeim sem vinna einnig að því að halda sér á sáttmálsveginum og verða betri lærisveinar Krists.“

Dallin H. Oaks forseti, fyrsti ráðgjafi í Æðsta forsætisráðinu, aðalráðstefna, október 2021.

Sjá Kenningu og sáttmála 59:9–10.

Vera sameinuð

„Drottinn vill að við förum aftur í kirkju af því að hann vill að við nálgumst sig. Hann vill líka sameina okkur bræðrum okkar og systrum. Með því að fara í kirkju sameinumst við, liðsinnum hvert öðru og sýnum honum þakklæti fyrir allt sem hann hefur gert fyrir okkur. Trú okkar dýpkar einnig og við lærum nýjar kenningar.“

Melanie M., 13 ára, Mexíkó

Styrkur í fjöldanum

„Sakramentið heima var frábært, því það laðaði að andann á heimili okkar og hjálpaði okkur að skilja að við ættum að færa kirkjuna yfir á heimili okkar í stað þess að einblína á hana einu sinni í viku. Stundum getur samt heimakirkja einangrað mann. Að mæta í eigin persónu í kirkju, er mikilvægt því það er styrkur í fjöldanum.“

Nathan G., 15 ára, Arisóna, Bandaríkjunum

Mynda tengsl

„Í kirkjunni er kærleiksríkt andrúmsloft. Þar er hægt að mynda tengsl og blessa líf annarra og vera á sama tíma blessuð. Kirkjan er líka mikilvæg til að efla þekkingu manns á fagnaðarerindinu. Drottinn vill að við boðum þeim fagnaðarerindið sem umhverfis okkur eru og eflum Síon.“

Amelia W., 16 ára, Utah, Bandaríkjunum

Verið til staðar fyrir aðra

„Þegar faraldurinn hófst, hafði ég áhyggjur af því að við gætum ekki meðtekið sakramentið, en síðan leyfði biskupinn okkur að meðtaka það heima! Sumir velta fyrir sér af hverju við ættum að fara aftur í kirkju, en ég held að við verðum að gera það til að uppfræða aðra – að tala við eða hjálpa einhverjum. Við verðum að fara í kirkju til að sýna kærleika okkar og miðla upplifunum okkar.“

Tamara M., 17 ára, Mexíkó

Endurnýja sáttmála

„Guð vill að við förum aftur í kirkju af því að allir hafa ekki getað meðtekið sakramentið á heimili sínu. Afi minn sagði mér að ég, sem prestdæmishafi, ætti að sjá til þess að allir fengju tækifæri til þess. Það er mikilvægt fyrir okkur að fara í kirkju svo við getum öll endurnýjað sáttmála okkar.“

Esteban M., 16 ára, Argentínu

Svörin eru til hjálpar og til að fá yfirsýn, en eru ekki opinberar yfirlýsingar um kenningar kirkjunnar.

Hvað finnst ykkur?

„Ég heyri aðra tala um andlegar upplifanir sínar. Hvað get ég gert ef mér finnst ég ekki upplifa slíkt?“

Sendið svar ykkar og mynd fyrir 15. október 2022.

Sendið okkur netpóst á [e-mail]. Farið á ftsoy.ChurchofJesusChrist.org og smellið á „Submit Your Work.“ Skráið ykkur inn með kirkjuaðgangi ykkar og veljið „For the Strength of Youth [Til styrktar ungmennum]“ undir „Choose Magazine [Velja tímarit].“ Smellið á „Add File [Bæta við skjali]“ til að velja skrá og mynd og smellið svo á „Submit [Senda]“ til þess að hlaða þeim upp og senda okkur.

Svartexti kann að verða styttur eða lagaður til.