“Fakafehokotakí,” Ki Hono Fakamālohia ʻo e Toʻu Tupú, ʻOkatopa 2022.
Fakafehokotakí
Kewa H.
11, New Zealand
Faitā ʻa Kau’i Wihongi
ʻOku ou saiʻia he nofo ʻi Nuʻu Silá, he ʻoku ou vāofi ai mo hoku kaungāmeʻá mo e fāmilí. Ko e meʻa ʻe taha ʻoku ou manako ke faí ko e vaʻinga pasiketipolo mo e ngaahi sipoti kehé mo hoku ngaahi kaungāmeʻá. ʻOku fakalata ʻa Nuʻu Sila he ʻoku lahi ai e ngaahi matātahi mo e faama fanga pulu mo e fanga sipi fakaʻofoʻofá.
ʻOku ou fakahaaʻi kia Sīsū ʻeku ʻofa ʻiate Iá ʻi heʻeku lotu mo lau e folofolá pea mo ʻeku fakaʻaongaʻi e tekinolosiá ke fai ha ngaahi meʻa lelei hangē ko e ako lahi ange kiate Iá. ʻI heʻeku lotu ki he Tamai Hēvaní, ʻoku ou ʻiloʻi ʻokú Ne fanongo mai kiate au. Naʻá ku fili ke u papitaiso ke u ofi ange kia Sīsū pea ke u lava ʻo maʻu ʻa e Laumālie Māʻoniʻoní ke tokoniʻi au. ʻI heʻeku fai ha ngaahi fili ʻoku leleí, te u lava ʻo maʻu ʻa e Laumālie Māʻoniʻoní.
Ko e tokoni mo hono tokoniʻi hoku fāmilí ʻa e taha ʻo e ngaahi founga ʻoku ou muimui ai kia Kalaisí. Ko e founga ʻe taha ʻoku ou tokoni ai ki hoku fāmilí ko hono teuteuʻi ʻenau kai pongipongí mo vaʻinga mo hoku ngaahi tokouá. Ko ha tokotaha muimui foki au ʻo Kalaisi ʻi heʻeku hoko ko ha faʻifaʻitakiʻanga lelei ki hoku ngaahi kaungāmeʻá ʻaki hono fakaʻaongaʻi ha ngaahi lea lelei mo angaʻofa pea tokoniʻi kinautolu ke nau fai ha ngaahi fili ʻoku leleí. ʻOku ou fiefia maʻu pē ke muimui ki he Fakamoʻuí.