ʻAi Hangatonu

ʻOku fehiʻa ʻeku ongomātuʻá ʻi he mūsika ʻoku ou fanongo ki aí. ʻE lava fēfē nai ke ʻoua te mau kē ai?

ʻI he taimi ʻoku ʻikai ke mou fefiemālieʻaki ai fekauʻaki mo e mūsiká, ʻoku mahuʻinga ke mou takitaha fiemālie, feinga ke femahinoʻaki, pea fakaʻehiʻehi mei he fakakikihí. Tuku ha kiʻi taimi ke ke fakakaukau moʻoni ai ki he ʻuhinga ʻoku ʻikai saiʻia ai hoʻo mātuʻá ʻi hoʻo mūsiká. Toe vakaiʻi e ngaahi tefitoʻi moʻoni ʻi he kiʻi tohi Ki Hono Fakamālohia ʻo e Toʻu Tupú , pea fehuʻi fakamātoato loto pē ki heʻene kaunga ki hoʻo mūsiká. Feinga ke fakahaaʻi ki hoʻo mātuʻá ʻokú ke fakafanongo moʻoni kiate kinaua. ʻOua te ke fakafekiki mo kinaua ʻi he taimi pē ko iá. Pea mahalo te na loto fiemālie ange ai ke fanongo kiate koe.

ʻI hoʻo talanoa mo hoʻo mātuʻá fekauʻaki mo e mūsiká, te ke lava ʻo talanoa fekauʻaki mo e ngaahi ongo lelei ʻoku ʻoatu ʻe he mūsiká kiate koé mo e ngaahi founga ʻokú ne tokoniʻi ai koe ʻi he ngaahi tūkunga kehekehé. Te mou lava ʻo aleaʻi ʻa e founga ʻe lava ke tokoniʻi ai kimoutolu ʻe he mūsiká ke mou ongoʻi ʻa e Laumālié mo e founga te mou lava ai ʻo fakaʻehiʻehi mei he mūsika ʻokú ne tuli ʻa e Laumālié.

Ko hono fakaʻosí, ʻoku fie maʻu ke ke manatuʻi ko hoʻo mātuʻá kinaua. Fai ho lelei tahá ke fakaʻapaʻapaʻi kinaua pea fakaʻehiʻehi mei he fakakikihí, neongo kapau ʻokú ke ongoʻi ko ha meʻa pē ʻeni ia ʻokú ke saiʻia ai. ʻI hoʻo fai iá, ʻe tāpuakiʻi koe ʻe he ʻEikí.