2023
Avea Atili Faapei o Keriso
Ianuari 2023

“Avea Atili Faapei o Keriso,” Mo le Malosi o le Autalavou, Ian. 2023.

Avea Atili faapei o Keriso

Iesu Keriso

O se tasi vaega o le polokalama a Tamaiti ma le Autalavou o le taumafai lea ia avea atili e faapei o Keriso e ala i le tuputupu ae faaleagaga, faaleagafesootai, faaletino, ma faaleatamai (tagai Luka 2:52). Talitonu mai, o le galue i sini e le faapea e toetoe lava a faigata e pei ona e mafaufau i ai. Siaki pe o faapefea ona tuputupu ae le autalavou i le lalolagi atoa ina ia avea atili e faapei o Keriso!

Faaleagaga

tamaitai talavou

Igoa: Catalina

Nofoaga: Chile

Sini: Faitau tusitusiga paia ma tatalo i aso uma

“Ou te taumafai e faalatalata atu i le Agaga e ala i le tatalo. Ou te tatalo i po taitasi ae ou te lei alu e moe ona faitau lea o a’u tusitusiga paia. O loo ou galue malosi ia malamalama atili i ai. Pe a ou faitau ma tatalo i aso taitasi uma, ou te lagonaina le filemu ma le latalata atili atu i le Atua.”

Faaleagafesootai

tamaitai talavou

Igoa: Raisa

Nofoaga: Samoa

Sini: Ia faamasani atili i tamaitai talavou i lana vasega

“Atonu na ou iloaina igoa o tamaitai talavou uma i la’u uarota, ae ou te lei iloaina pe o ai i latou po o a foi mea sa latou fiafia i ai. O lea sa ou amata taitoatasi ai ma tamaitai talavou uma, ma mo se tagata matamuli e pei o au, sa ou fiafia i le iloa o le tele o mea matou te tutusa ai. O le tele o le taimi na ou faaalu ai e faamasani ia i latou, o le tele foi lea o lo’u vaaia o nei tamaitai talavou lalelei i le ala e silasila mai ai le Tama Faalelagi ia i latou.”

Faaletino

alii talavou

Igoa: Eugene

Nofoaga: Kenya

Sini: Faaleleia le soka

“Sa amata ona ou faataitai i se vaega o uo i le masina ua te’a. O le aafiaga ua fesoasoani ou te malamalama ai e le finagalo le Atua tatou te ola na o i tatou lenei olaga. E mafai ona tatou faaauai a tatou uo i a tatou sini ina ia faapei o le Faaola. Na te silafia tatou te manaomia le tasi ma le isi ina ia manuia ai. Afai tatou te tatalo, o le a Ia tuuina tagata i o tatou olaga e fesoasoani ia i tatou ia avea ma o tatou tagata silisili.”

Faaleatamai

alii talavou

Igoa: Siakisone

Nofoaga: Karolaina i Saute, ISA

Sini: Mo se taimi umi: Ia onaina se loli meaai i se aso; taimi puupuu: Aoao e uiga i le faia o meaai

“Sa ou ta’u atu i se tasi o o’u taitai o Alii Talavou e uiga i se sini e tatau ona i ai sa’u loli meaai. Sa ia fai mai, ‘O tausaga uma lava ou te faia ai se pati o le toe foi i le aoga. Aisea e te le sau ai e kuka mo i matou?’ O lea sa ou faia ai. Sa ou faia pe tusa ma le 50 hot dogs ma burgers i le 45 minute. Sa ou fiafia e faatasi ma alii o la’u korama, ma sa ou maua ni manatu faaalia matagofie mai le aafiaga ma nisi o upu faamalo. Ma na tele ni mea na ou aoaoina ai.”