O le Luʻi o le Lauti

I se tasi aso o le taumalulu, sa ou savalia lotoa o le aoga faatasi ma au uo o Alice ma Trevor ina ua matou tau atu i se faailoga na faitauina: “Ua maua nei ipu lauti.” Ma le fiafia tele, na ofo mai Trevor e faatau mai mo i matou taitoatasi se ipu lauti. “Leai, faafetai lava,” sa ou fai atu ai.

Sa ofo mai e Trevor ia te au le lauti i aso taitasi, ma sa faaauau pea ona ou teena. Mulimuli ane, sa ia fesili mai pe aisea ou te le inuina ai le lauti. Sa ou ta’u atu ia te ia e uiga i le Upu o le Poto, ma le faamoemoe o le a malamalama o ia. Ae sa avea ma se mea malie tele ia te ia. Sa ia taumafai ia ou soli le Upu o le Poto.

“E le faapea o loo e faaaogaina ni fualaau faasaina,” o lana tala lea. “O se ipu lauti e le afaina!”

O le vaiaso na sosoo ai, na amata ona faateteleina le taufaalili mai a ia ma ana uo ia te au. Sa ou taumafai e lototele, e ui sa lei faigofie.

I le aluga o taimi, sa latou lagona le leaga mo a latou amioga ma taofia ai le taufaalili mai ia te au. I se tasi aso, na fai mai ai lo’u faiaoga ia te a’u: “O oe lava o se faataitaiga o lou faatuatua ma le tapuaiga. Ua ou mitamita lava ia te oe.”

Ou te mitamita foi ia te au lava. E le faigofie i taimi uma, ae ou te iloa o le a faamanuiaina au mo le tu atu mo ou tulaga faatonuina.

Nicolé M., West Midlands, United Kingdom