“Fausia i luga o le Faavae Mautu,” Mo le Malosi o le Autalavou, Ian. 2023.
Faavae Malolosi
Fausia i luga o le Faavae Mautu
Ata na tusia e Emily Jones
Sa ou matamata, le mautonu, a o matou faasusūina ma lo’u aiga le faavae sima o lo matou fale. Sa ou lagona le faamamasagiaina. O ai na faalogo muamua i le faasusūina o se fale? Ina ua matou siitia atu i Texas, ISA, sa faamalamalama mai e lo matou tuaoi e faapea, i lena eria faapitoa sa manaomia ona matou faasusūina le faavae o lo matou fale ina ia le mafai e le tau ona faaleagaina ma taei ai. O lea sa ou faasusūina ai le fale, e ui lava sa ou lagona le valea i le faia o lea mea.
Sa fesoasoani le faasusū mo se taimi, ae mulimuli ane, sa amata ona ta’eta’ei lo matou fale. E lei umi ae matou iloaina e lei fausia lo matou fale i luga o se faavae malosi. Sa fauina i luga o se lapisi, lea na mafua ai ona magoto lo matou fale ao faasolo ina pala le lapisi o i lalo ifo i le aluga o taimi. Sa matou faasusuina le faavae, ae sa ta’eta’ei pea lo matou fale. O lea na iu ai ina matou siitia ese.
O lenei aafiaga ua faamanatu mai ai ia te au le taua o le fausiaina o lo’u faavae faaleagaga i luga o le faavae malosi o le talalelei a Iesu Keriso. Sa i ai taimi ou te lei lagonaina ai se talitonuga malosi e uiga i le talalelei. O le filifili e talitonu, sa ou “faasūsūina ai le faavae” o lo’u faatuatua seia oo ina mafai ona ou fausia se molimau i luga o le faavae malosi o le talalelei. E pei ona ou filifili e ola i le talalelei a Iesu Keriso, ua ou fausia se faavae malosi o le a le ta’eta’ei.
Ann J., Maryland, ISA