“Fesootai,” Mo le Malosi o le Autalavou, Ape. 2023.
Fesootai
Natalie A.
17, Tennessee, ISA
Ata na pueina e Christina Smith
Sa ou fanau i Memphis ma ou ola ae i Tennessee i lo’u olaga atoa. Sa amata ona ou tietie solofanua ina ua tusa ma le valu ou tausaga ma galue e totogi a’u lesona. O se tasi o a’u galuega i le taimi nei o le toleniina o solofanua.
O le toleniina o solofanua ua aoaoina ai au i le tele o mea e uiga i le ola ai i mataupu faavae o le talalelei. O le faaleleia o le soifua maloloina o solofanua e tele le taimi ma galuega e alu ai. E ono masina e faaalu e toleni ai le solofanua e tasi seia oo ina to’a lelei o ia pe a tietie ai se tagata. O lena mea sa manaomia ai le tele o le onosai.
O nisi taimi ou te lagona ai e pei lava ua tele naua mea o loo tutupu i lo’u olaga, ma e faigata. Ou te faapaleniina o’u taimi e alu i uo, a’oga, ma aiga ao aoao atu foi ia lesona tietie solofanua, taitaiina o maimoaga i fale manu, ma le tausia lelei o solofanua.
Ae e mafai ona ou lagonaina le filemu o le Agaga pe a ou i ai i fafo faatasi ai ma solofanua. E mafai ona ou lagonaina le filemu, lagonaina le Agaga, ma iloa le mea e tatau ona ou faia.