“Afai ou te iloa se tasi o loo agasala, pe tatau ea ona ou ta’u atu i lo latou epikopo?,” Mo le Malosi o le Autalavou, Ape. 2023.
Tuusa’o i le Mataupu
Afai ou te iloa se tasi o loo agasala, pe tatau ea ona ou ta’u atu i lo latou epikopo?
Afai e te iloa o loo faia e se tagata se mea e ono le tatau ai ia i latou ona tagofia (po o le faatautaia) o le faamanatuga po o le alu i le malumalu, ae e te lei faia soo se mea, e mafai ona e tatalo muamua i le Tama Faalelagi. ia mautinoa e taialaina oe e le alofa ma le popole mo lena tagata nai lo se isi lava faamoemoega.1 Ona mafai lea ona e filifili e talanoa a le o le tagata po o le epikopo. A e faia, e tatau ona e tautala ma le agalelei ma le agaalofa nai lo le faia i se leo o le tautuua’i.
O le talanoa faalilolilo i le tagata o le a tuuina atu ai ia te ia se avanoa e filifili ai e o i lo latou epikopo ma amata ona salamo ai o ia lava. Afai latou te le faalogo, atonu e te manao e talanoa i le epikopo e uiga i ai. E i ai i le epikopo se valaauga faapitoa e vaavaaia tagata o le uarota ma mataituina lo latou soifua manuia faaleagaga. Ona o lona valaauga, ua i ai le epikopo i se tofiga tulaga ese e fesoasoani ai.
Po o le a lava lau mea e fai, faamolemole ia manatua e le tatau ona e talanoa i se isi tagata e uiga i nei mea. O le faitala lena mea, ma e le fesoasoani lava i se tasi.