“O Faamanuiaga Natia e 7 o le Aoaoina,” Mo le Malosi o le Autalavou , Ape. 2023.
Fesoasoani o le Olaga
O Faamanuiaga Natia e 7 o le Aoaoina
O le aoaoina i le olaga atoa e i ai ni nai mea taua—o nisi atonu e te le mafaufau lava i ai!
“Aue! O afea o le a ou manaomia ai ona faaaoga lenei fuaga faamatematika?” Ua tatou oo uma lava i ai. Pe o le matematika, tusitusiga, po o le paiolo, o nisi taimi tatou te mafaufau ai pe o nisi o nei mea tatou te galulue malosi e aoaoina o le a fesoasoani ia i tatou i se taimi mulimuli ane o le olaga.
O le toatele o i tatou e malamalama i le sootaga i le va o aoaoga ma avanoa i galuega. Peitai, a oo mai i le aoaoina, o nisi o faamanuiaga e oo mai i auala tatou te le mafaufauina. O ni nai faamanuiaga faaleiloga nei o le aoaoina.
1. E mafai ona tele ai mea e te talanoa i ai pe a e feiloai i tagata.
E le na o le tau na tautala atu i ni mea moni. O le tele o lou aoao i le olaga, o le tele foi lea o auala o le a e fesootai ai ma se tagata fou.
2. E mafai ona e sefeina se tupe.
O le tele o lou iloa o auala e fai ai se mea, o le itiiti foi lena o lou manaomia ona totogiina se isi tagata e faia mo oe.
3. E mafai ona e auauna atu ai i isi i se auala e sili atu.
Afai o loo iai lau uo i autafa o le auala ma se pa’u pa o lana taavale, ma ua e iloa moni lava le auala e sui ai pe faaleleia ai, o le a avea oe o se toa mo i latou! Ua aoao mai Peresitene Nelson, “O le aoaoga o le eseesega lea i le va o le moomoo maimau pe ana mafai ona e fesoasoani atu i isi tagata ma mafai ona fesoasoani atu ia i latou.”1
4. O le aoaoina o se mea fou e ono taitai atu ai i se mea e fiafia e faatamaoaigaina ai le olaga.
I le mulimuli ai ona o le fiailoa—e pei o le o atu e vaai pe faapefea ona faia se tioata lea e feula i lima—e mafai ona iu ina avea ma se mea fou e te fiafia i ai mo oe. Ma o mea e fiafia i ai e lelei mo le soifua maloloina faalemafaufau!
5. E mafai ona tele atu ni mea eseese i lou olaga.
Pe a faatauina falaoa, e faatapulaa oe i mea latou te faatauina atu i le faleoloa. Ae a aoao pe faapefea ona tao la oe lava falaoa o le a le mavae le tele o mea fou e mafai ona e tago e faataitai ona fai!
6. O le tele o lou aoaoina, o le tele foi lena o lou avea e faapei o le Atua.
Tagai i le Mataupu Faavae ma Feagaiga 93:36; Aperaamo 3:19.
7. Ua e tuuina atu ia te oe lava se amataga vave i le olaga o i luma.
E le mafai ona e avea au meatotino ma oe pe a mavae lenei olaga (tagai i le Alema 39:14). Ae o le malamalama sa e galue ai i le olaga atoa mo oe e tausia e faavavau (tagai i le Mataupu Faavae ma Feagaiga 130:19).