“Kaisareia Filipi,” Mo Le Malosi o le Autalavou, Ape. 2023.
O Nofoaga mai Tusitusiga Paia
Kaisareia Filipi
Aoao e uiga i le nofoaga na fesili ai le Faaola, “Pe se a la outou upu ia te au po o ai?”
O Fea e I Ai?
E i auvae mauga o le Mauga o Heremoni i le itu i matu o Isaraelu.
O Le A Le Mea o i ai Iina?
O le aai anamua lenei e i ai se vaipuna e tafe ese atu mai le Mauga o Heremoni.
O lenei vaipuna o se tasi o matavai (po o se punavai) o le Vaitafe o Ioritana.
O Le A Le Mea Na Tupu Iinei?
Na fesili atu Iesu Keriso i Ona soo: “O le a sa outou upu o ai Au?”
Peteru: “O oe o le Keriso, o le Alo o le Atua soifua.”
Iesu: “Amuia oe, … aua e le se tagata na faaali atu ai ia te oe, a o lo’u Tama o i le lagi. …
“O Peteru oe, ou te ati ae la’u ekalesia i luga o lenei papa; e le mafai e faitotoa o seoli ona manumalo ai.
“Ma Ou te tuu atu ia te oe ki o le malo o le lagi: ma o soo se mea e te faamauina i le lalolagi, o le a faamauina foi lea i le lagi; ma o soo se mea e te tālā i le lalolagi, o le a tatalaina foi lea i le lagi.” (Mataio 16:13–19.)