“Mulimuli ia Iesu Keriso ma Fai Mea e Sili ona Taua,” Mo le Malosi o le Autalavou, Ape. 2023.
Sau, Mulimuli Mai ia te A’u
Mulimuli ia Iesu Keriso ma Fai Mea e Sili ona Taua
Ua valaaulia i tatou e Iesu Keriso e mulimuli ia te Ia ma tausi Ana poloaiga.
O nisi taimi o lona uiga o le lafoai o mea tatou te mananao ma olioli ai.
Mo se mea e sili atu!
O loo talanoa le Tusi Paia e uiga i se faipule talavou mauoa sa taumafai e usitai i poloaiga a le Atua.
I se tasi aso, sa ia tamoe atu ai ia Iesu ma fesili po o le a se isi mea e tatau ona ia faia. Sa ta’u atu e Iesu ia te ia e faatau atu mea uma sa ia te ia, avatu i e matitiva, ma mulimuli ia te Ia.
Sa lotovaivai le faipule talavou. Sa lei manao o ia e tuu ese atu ana mea mananaia.
Ua valaaulia i tatou e Iesu Keriso ia suia, mulimuli ia te Ia, ma lafoai mea atonu tatou te fiafia i ai—e oo lava i mea lelei—mo mea e sili ona taua.
A o tatou taulai atu ia Iesu Keriso ma mulimuli i Ana faataitaiga ma aoaoga, e mafai ona taialaina i tatou ia iloa le mea e tatau ona tatou faia.
E alofa o Ia ma silafia i tatou taitoatasi. Na te silafia le mea e lelei mo i tatou.
O le a se mea e mafai ona e lafoai ina ia mulimuli atili atu ai ia te Ia?