Hina’arohia te feiā fa’atupu i te hau
Parau ’īritihia
’Ei pipi nā Iesu Mesia, e ti’a ia tātou ’ia riro ’ei hi’ora’a i roto i te huru nō te ’ohipara’a ’e ’o vetahi ’ē—mai te mea iho ā rā ē tē vai ra te mau ta’a-’ē-ra’a o te mana’o. Hō’ē o te mau rāve’a ’ōhie roa a’e nō te ’ite i te hō’ē pipi mau nā Iesu Mesia o te huru aroha ïa o te reira ta’ata i ni’a i te tahi atu mau ta’ata […]
[…] ’Ua patu, ’ua fa’ateitei, ’ua fa’aitoito ’e ’ua tāparu, ’e ’ua fa’auru tāna mau pipi mau—noa atu te fifi o te tupura’a. E feiā fa’atupu i te hau te mau pipi mau nā Iesu Mesia […]
’Ua tauturu te Tāra’ehara a te Fa’aora ia tātou ’ia upo’oti’a i te mau ’ino ato’a––tae noa atu i te mārōra’a […]
Te mau taea’e ’e te mau tuahine here, e mea faufa’a mau tō tātou huru i ni’a i te tahi ’e te tahi ! E mea faufa’a mau tā tātou huru paraparaura’a ia vetahi ’ē ’e tā tātou paraparaura’a i te fare, i te fare purera’a, i te vāhi ’ohipara’a ’e i ni’a i te natirara. I teie mahana tē ani nei au ia tātou ’ia ha’a ’e ’o vetahi ’ē ma te teitei ’e ma te mo’a […]
E rā’au te aroha nō te mārōra’a. Te aroha, ’o te hōro’a vārua ïa ’o te tauturu ia tātou ’ia ha’amou i te ta’ata tino nei, tei vai pāto’i noa, tei te’ote’o ’e tei pipiri. Te aroha o te huru mātāmua ïa o te hō’ē pipi mau nā Iesu Mesia. Nā te aroha e fa’ata’a i te hō’ē ta’ata fa’atupu i te hau.
[…] Tē ani manihini nei au ia ’outou ’ia ha’amana’o ia Iesu Mesia. ’A pure ’ia roa’a te itoito ’e te pa’ari nō te fa’a’ite atu ’aore rā nō te rave atu te mea tāna rave atu. ’Ia pe’e tātou i te Ari’i o te hau, e riro mai tātou ’ei feiā fa’atupu i te hau nāna […]
[…] I teie mahana, te ani nei au ia ’outou ’ia hi’opo’a i tō ’outou huru ti’ara’a pipi i roto i te parau nō tō ’outou huru i ni’a ia vetahi ’ē. Tē ha’amaita’i nei au ia ’outou nō te rave i te mau fa’atanora’a ato’a e tītauhia, ’ia ti’a i tā ’outou peu ’ia riro ’ei mea hanahana, ’ei mea tura, ’e ’ei hōho’a nō te pipi mau nā Iesu Mesia.