Tuha’a purera’a nō te po’ipo’i sābati
’Ua haru tō’u ferurira’a i teie nei mana’o nō Iesu Mesia
Parau ’īritihia
Tē fa’ati’a nei te hō’ē ’ā’amu nō te Buka a Moromona i te parau nō te hō’ē taure’are’a tamāroa o te hō’ē ’utuāfare ’ite-maita’i-hia, ’o Alama te i’oa, ’o tā te mau pāpa’ira’a mo’a e parau nei ē e ta’ata fa’aro’o ’ore ’e te ha’amori ’īdolo […]
I roto i tōna tapineva, ’ua ha’amana’o ’oia ē ’ua ha’api’ihia ’oia i tōna ’āpīra’a nō ni’a i « te taera’a mai o te hō’ē ta’ata, ’o Iesu Mesia, te Tamaiti a te Atua, ’ei tāra’ehara nō tō te ao nei » [Alama 36:17] […] ’E i te ti’aorora’a ’oia i te mana hanahana o te Fa’aora, ’ua tupu te hō’ē semeio […] ’Ua tupu a’era tōna mana’o hau ’e te māramarama […]
’Ua « haru » ’o Alama i teie nei parau mau nō Iesu Mesia […]
[…] Ma te fa’a’ohipa i te fa’aro’o i terā parau mau, ’e nā roto i te mana ’e te maita’i o te Atua, ’ua fa’a’orahia ’oia i te hepohepo ’e ’ua ’ī i te tīa’ira’a.
[…] I « haru [ato’a tō tātou ferurira’a] i teie nei mana’o » nō Iesu Mesia ’e tāna tusia aroha, ’e ’ua ’ite tō tātou vairua i te māramarama ’e te ’oa’oa nō reira mai […]
[…] E’ita tō tātou here nōna e pāruru ia tātou i te rumaruma ’e i te ’oto o te orara’a tāhuti nei, terā rā, maoti te reira e ti’a ai ia tātou i te haere nā roto i te mau fifi ma te pūai rahi atu ā i tō tātou iho […]
Nā roto i te rōtahira’a tātou i ni’a ia Iesu Mesia, e hi’ohia te tahi atu mau mea ’ati a’e ia tātou nā roto i tō tātou here iāna—noa atu tei reira noa ā […] ’Ia tāmau ’outou i te ha’apa’o maita’i i te haru mai i te mana’o nō Iesu Mesia, i te ti’aturi iāna ’e i te ha’apa’o i tāna mau fa’auera’a, tē parau fafau atu nei au ia ’outou, e ’ere te arata’ira’a hanahana noa tē noa’a mai, ’o te mana ato’a rā nō te ra’i mai—te mana ’o tē hōro’a i te pūai i tā ’outou mau fafaura’a, te hau i tā ’outou mau fifi ’e te ’oa’oa i tā ’outou mau ha’amaita’ira’a.