« ’Ei roto ’oe iā’u nei e pārahi ai, ’e ’ei roto vau ia ’oe ; nō reira, ’a haere mai nā muri iho iā’u »
Parau ’īritihia
« ’E ’ua parau atu ra te Fatu ia Enoha : […]
« […] ’e ’ei roto ’oe iā’u nei a pārahi ai, ’e ’ei roto vau ia ’oe ; nō reira, ’a haere mai nā muri iho iā’u » [Mose 6:32, 34; tu’uhia te ha’apāpūra’a] […]
Tē fa’atae nei te Fatu Iesu Mesia ia tātou tāta’itahi i te anira’a ’ia pārahi i roto iāna. Nāhea rā pa’i tātou i te ha’api’i ’e i te pārahi i roto iāna ?
Tē fa’a’ite nei te parau pārahi i te vaira’a pāpū, ’aore rā ’āueue ’ore ’e te tāmau-noa-ra’a ma te fati ’ore […] Nō reira, e pārahi tātou i roto i te Mesia ’ia vai pāpū ’e ’ia vai ’āueue ’ore tātou i roto i tā tātou pūpūra’a i te Tāra’ehara ’e tāna mau ’ōpuara’a mo’a, i te mau taime au ’e te au ’ore.
E ha’amata tātou i te pārahi i roto i te Fatu nā roto i te fa’a’ohipara’a i tō tātou ti’amāra’a ’ia mā’iti nō te rave i ni’a ia tātou i tāna zugo, nā roto i te mau fafaura’a ’e te mau ’ōro’a o te ’evanelia i fa’aho’ihia mai […]
E pārahi tātou i roto iāna nā roto i te rave-mau-ra’a i te fa’a’amu’a i te mau parau a te Mesia […]
E pārahi tātou i roto iāna nā roto i te fa’aineine-pāpū-ra’a nō te ’āmui i roto i te ’ōro’a mo’a […]
Te parau fafau a te Fa’aora i tōna feiā ’āpe’e, e piti ïa tuha’a : mai te mea e pārahi tātou i roto iāna, e pārahi ’oia i roto ia tātou. E nehenehe mau rā ānei i te Mesia ’ia pārahi i roto ia ’outou ’e ’iā’u nei—tātou tāta’itahi ’e te ta’a ’ē ho’i ? Te pāhonora’a i teie uira’a, e ’ē pūai ïa ! […]
[…] Tō tātou tū’atira’a fafaura’ai tō tātou Metua i te ao ra ’e i tāna Tamaiti ti’afa’ahou ’e te ora, ’o te puna hope rahi ïa nō te hi’ora’a ātea, te tīa’ira’a, te mana, te hau ’e te ’oa’oa vai maoro […]
[…] ’E tē parau pāpū nei au ē, te parau fafau a te Fa’aora ē ’ei roto ’oia ia tātou, e parau mau ïa ’e ’ua matara ho’i i te mau melo ato’a o tāna ’Ēkālesia i fa’aho’ihia mai, ’o tē ha’apa’o i te fafaura’a […]
[…] Mai te mea ’ei roto tātou iāna, ’ei roto ïa ’oia ia tātou.