’O Iesu Mesia te tauturu
Parau ’īritihia
Tē amo nei tātou tāta’itahi i te hō’ē pūtē tua fa’ahōho’ara’a […]
Teie pūtē tua fa’ahōho’ara’a ’o te vāhi ïa i reira tātou e amo ai i te mau hōpoi’a o te orara’a i roto i te hō’ē ao hi’a. E au tā tātou mau hōpoi’a mai te mau ’ōfa’i i roto i te pūtē tua […]
Tē fa’a’ite nei au ma te ’oa’oa ē, tā tātou mau hōpoi’a i te tāhuti nei, teie mau ’ōfa’i rahi i roto i tā tātou pūtē tua fa’ahōho’ara’a, ’aita e tītauhia ’ia taiaha te reira.
E nehenehe Iesu Mesia e ha’amāmā i tā tātou hōpoi’a.
E nehenehe Iesu Mesia e amo i tā tātou mau hōpoi’a.
’Ua hōro’a mai Iesu Mesia i te hō’ē rāve’a ’ia tauturuhia i te teimaha o te hara.
’O Iesu Mesia tō tātou tauturu […]
Nō reira, nō te aha ïa tātou e onoono ai i te amo tātou ana’e i tā tātou mau ’ōfa’i ? […]
Te mau taea’e ’e te mau tuahine, e’ita vau e nehenehe e haere ’o vau ana’e, ’e ’aita vau e tītau i te reira, ’e e’ita vau e nā reira […]
E ha’amaita’ihia te feiā ha’apa’o fafaura’a ma te tauturu a te Fa’aora […]
Te tātarahapara’a nā roto i te tāra’ehara a Iesu Mesia, ’o te mea ïa e tauturu ia tātou i te teimaha o te mau ’ōfa’i o te hara […]
E fa’ati’a ato’a te Tāra’ehara a Iesu Mesia ia tātou ’ia fāri’i i te pūai nō te fa’a’ore i te hapa, ’o te fa’ati’a ia tātou ’ia ’īriti i te teimaha ’o tā tātou e amo nei, nō te mau hāmani-’ino-ra’a a vetahi ’ē.
Nō reira, nāhea te Fa’aora i te tauturu ia tātou i te mau hōpoi’a nō te ora i roto i te hō’ē ao hi’a, ’e te mau tino tāhuti e fa’aruru nei i te ’oto ’e te māuiui ?
Pinepine ’oia i te rave i te reira huru tauturura’a nā roto ia tātou ! […]
Tō tātou ha’amaita’ira’a nō te fafaura’a ’o te ’āpitira’a atu ïa ’e Iesu Mesia, nō te ’āfa’ira’a atu i te tauturu pae tino ’e pae vārua i te mau tamari’i ato’a a te Atua […]
Te mau taea’e ’e te mau tuahine, ’o Iesu Mesia te tauturu […] Te tauturu tāna i pūpū mai e mea mure ’ore ïa.