Ha’amatara i te ’ē’a nō te mana o te Atua nā roto i te mau fafaura’a
Parau ’īritihia
Hou te fenua ’a hāmanihia ai, ’ua ha’amau te Atua i te mau fafaura’a ’ei fa’anahora’a e nehenehe ai tātou, tāna mau tamari’i, e tāhō’ē iāna […]
[…] E rave tātou i te hō’ē fafaura’a i te taime noa tātou e mana’o pāpū ai e fafau ta’a ’ē ia tātou i te reira. E riro ïa tātou ’ei tamari’i nō te fafaura’a a te Atua, ’e ’ei ta’ata ’āi’a nō tōna bāsileia, i te taime iho ā rā e fa’aau hope tātou ia tātou i teie fafaura’a.
Terā parau ’ē’a nō te fafaura’a, e pāpa’a fafaura’a ïa e haere mai ai tātou i te Mesia ’e e tū’ati ai iāna. Nā roto i teie tā’amura’a nō te fafaura’a, ’ua matara nō tātou te ’ē’a nō tōna mana mure ’ore. E ha’amata terā ’ē’a ma te fa’aro’o ia Iesu Mesia ’e te tātarahapa, ’āpe’ehia mai e te bāpetizora’a ’e te fāri’ira’a i te Vārua Maita’i […]
E arata’i te ’ē’a nō te fafaura’a i te mau ’ōro’a o te hiero, mai te ’ōro’a hiero. Te ’ōro’a hiero, e hōro’a ïa nā te Atua, e hōro’a nō te mau fafaura’a mo’a e fa’atū’ati hope atu ā ia tātou iāna ra […]
E fa’afāna’o ato’a mai te mau fafaura’a i ravehia i roto i te ’āpo’o bāpetizora’a ’e i roto i te hiero, i te pūai nō te fa’aruru i te mau fifi ’e te mau māuiui o te tāhuti nei […]
’A haere ai ’outou i ni’a i te ’ē’a nō te fafaura’a, mai te bāpetizora’a ē tae atu i te hiero, ’e i te roara’a ho’i o te orara’a nei, tē parau fafau atu nei au ia ’outou i te mana nō te fa’aū i te tahera’a nātura ta’ata o te ao nei—te mana nō te ’apo mai i te mau mea, te mana nō te tātarahapa ’e ’ia ha’amo’ahia, ’e te mana nō te ’ite mai i te tīa’ira’a, te tāmāhanahana ’e te ’oa’oa ato’a ho’i ’a fa’aruru ai i te mau fifi o te orara’a. Tē parau fafau atu nei au ia ’outou ’e tō ’outou ’utuāfare i te pārurura’a i mua i te mana o te ’enemi, i te taime iho ā rā e fa’ariro ’outou i te hiero ’ei fā rahi o tō ’outou orara’a.