Ha’amana’o i te mea faufa’a roa a’e
Parau ’īritihia
I teie mahana, e fa’a’ite atu vau mai roto atu i tō’u ’ā’au, i te tahi mau mana’o ’e mau ferurira’a nō ni’a i te mau mea faufa’a roa a’e.
’A tahi, e mea faufa’a roa te hō’ē autā’atira’a ’e tō tātou Metua i te ao ra ’e tāna tamaiti, o Iesu Mesia. E mea faufa’a roa te reira autā’atira’a i teie nei ’e i roto i te ao a muri atu.
’A piti, te mau autā’atira’a ’utuāfare tei roto te reira i te mau mea faufa’a roa a’e […]
’Ua ’ite au ē, e’ita te tahi pae e nehenehe e fāri’i i te mau ha’amaita’ira’a o te hō’ē ’utuāfare fātata, nō reira e parau vau i te fēti’i ’ā’ano, te mau hoa ’e tae noa atu i te mau ’utuāfare o te pāroita ’ei fēti’i ». E mea faufa’a terā mau autā’atira’a nō te ora maita’i i te pae ferurira’a ’e i te pae tino […]
Te tahi atu ’ohipa faufa’a roa a’e, o te pe’era’a ïa i te mau fa’aurura’a a te vārua i roto i tō tātou mau autā’atira’a faufa’a roa a’e ’e i roto i tā tātou mau tūtavara’a nō te here i tō tātou mau ta’ata tupu mai ia tātou iho, i roto ato’a i tā tātou mau tāvinira’a o tātou ana’e ’e i mua i te ta’ata […]
I te hope’a ra, i teie hope’a hepetoma nō te sābati o te ’āma’a tamara, tē fa’a’ite pāpū nei au ē, te fāriura’a i te Fatu ra, te fa’a’ite-pāpū-ra’a nō ni’a iāna ’e te tāvinira’a iāna, tei roto ato’a te reira i te mau mea faufa’a roa a’e […]
E’ita e nava’i te fāri’i-noa-ra’a i te hō’ē ’itera’a pāpū. ’A tupu noa i te rahi tō tātou fa’afāriura’a ia Iesu Mesia, e hina’aro ïa tātou e fa’a’ite pāpū nō ni’a iāna—tōna maita’i, tōna here, ’e tōna hāmani maita’i […]
Tē ani manihini atu nei au ia ’outou ’ia fa’a’ite pinepine i tō ’outou ’itera’a pāpū nō ni’a ia Iesu Mesia […]
Te feiā e fāri’i i te hō’ē mea i muri a’e i tō ’outou ’itera’a pāpū, e nehenehe ïa rātou e ani i te Fatu nā roto i te pure ’ia ha’apāpū mai i te parau mau o tō ’outou ’itera’a pāpū. I muri iho, e nehenehe rātou ’e i te nā roto ia rātou iho.