Te aupurura’a
Parau ’īritihia
Tātou te feiā ’āpe’e ia Iesu Mesia, tē ’imi nei tātou ’ia aupuru i te ta’ata mai iāna te huru, nō te mea tīa’i noa te mau orara’a ’ia taui […]
I te mau vāhi ato’a e haere au, tē ’apo rahi nei au ma te māuruuru rahi mai roto mai i te ta’ata e tāvini nei ’e e ha’apa’o nei i te ta’ata mai te Fa’aora te huru […]
E tupu te aupurura’a teitei a’e ’e te mo’a a’e ’ia pure tātou ’ia noa’a mai « te here ateate o te Mesia »[hi’o Moroni 7:47–48] ’e ’ia pe’e tātou i te Vārua […]
[…] I te mau vāhi e rave rahi, e nehenehe tā tātou e toro i te rima, e māramarama e aha te vaira’a o te ta’ata ’e e ha’amau ho’i i te tā’amura’a, ’ia fārerei pinepine tātou i te mau melo i tō rātou fare. E taui te mau anira’a fa’auru i te orara’a. ’Ia tauturu ana’e te mau anira’a ia tātou ’ia rave ’e ’ia ha’apa’o i te mau fafaura’a mo’a, e ha’afātata atu ā ïa tātou i te Fatu ’e i te tahi ’e te tahi […]
E mea ha’amaita’i te aupurura’a fa’auru i te mau ’utuāfare ’e te mau ta’ata ; e ha’apūai ato’a i te mau pāroita ’e te mau ’āma’a […]
’O tō tātou Fa’aora te hi’ora’a maita’i roa. Maoti tōna maita’i, e ti’a iāna ’ia hāmani maita’i haere. E ha’amaita’i ’oia i te hō’ē ’e te 99. ’O ’oia te hōho’a mau nō te aupurura’a […]
Tē aupuru nei Iesu Mesia. Tē aupuru nei te mau melahi […] ’Ia aupuru tātou mai tāna e nā reira, e ’ite tātou i tāna mau semeio ’e tāna mau ha’amaita’ira’a […]
Ta’a ’ē noa atu te vāhi tei reira tātou i teie pu’e tau Pāsa, toro ana’e i te rima ’e ha’apa’o ana’e mai tā te Fa’aora e nā reira, ia rātou iho ā rā tā tātou i fāna’o i te aupuru atu, ma te here ’e te fa’auera’a ’ohipa. ’A nā reira ai tātou, ’ia ha’afātata atu ā tātou ia Iesu Mesia ’e i te tahi ’e te tahi, ma te riro rahi atu ā mai iāna ra, ’e mai te feiā ’āpe’e ia Iesu Mesia ’o tāna e hina’aro ia tātou tāta’itahi ’ia riro.