’O Iesu Mesia te pūai o te mau metua
Parau ’īritihia
Mai ia Iesu Mesia tei riro ’ei pūai nō te feiā ’āpī, e pūai ato’a Iesu Mesia nō te mau metua […]
Te here ’o te hō’ē metua i tāna tamari’i ’o te hō’ē ïa o te mau pūai rahi roa a’e o te ao ato’a nei. ’O te hō’ē teie o te mau mea ravarava i ni’a i teie fenua ’o te nehenehe mau e riro e mea mure ’ore […]
Te tahi atu pūai tō ’outou, ’ei metua, ’o te rāve’a ïa ’ia roa’a te fa’aurura’a i te mau taime ato’a ’e te tāmau noa […]
Te tahi ato’a mana pūai tā te Fatu e tauturu i te mau metua, maoti nā roto i te hōro’a nō te heheura’a nō ’oe iho. E hina’aro rahi tō te Atua ’ia ha’aparare i tōna Vārua nō te ’arata’i i te mau metua […]
Penei a’e te tauturu faufa’a roa a’e tā Iesu Mesia i pūpū i te mau metua ’o te « tauira’a rahi » o te ’ā’au. E temeio teie ’o tā tātou tāta’itahi e hina’aro […]
Nā roto i te aroha o te Fa’aora, ma’a vāhi iti ’e ma’a vāhi iti, e fa’arahi atu ā ’outou i te mau maita’i ’o tā te mau metua e hina’aro nei : Te here nō te Atua ’e i tāna mau tamari’i, te fa’a’oroma’i, te ’ā’au hōro’a, te fa’aro’o i te Mesia ’e te itoito nō te rave i te mau mā’itira’a tano […]
Tā tātou tauto’ora’a nō te patu i te fa’aro’o ia Iesu Mesia, ’ua fa’atumuhia i ni’a i te ’utuāfare, niuhia i ni’a i te ta’ata. ’E ’ua pāturuhia te reira e te ’Ēkālesia. Ta’a ’ē atu i te hōro’ara’a i te mau pāpa’ira’a mo’a ’e te mau parau a te mau peropheta, tē pūpū nei te ’Ēkālesia a te Fa’aora e rave rau mau rāve’a nō te tauturu i te mau metua ’e te mau tamari’i ’ia rave i te mau mā’itira’a tano […]
I roto i te fa’anahora’a a te Metua i te ao ra, te mau aura’a ’utuāfare e ti’a ’ia riro ’ei mea mure ’ore. Nō reira, ’ei hō’ē metua, ’eiaha e fa’aru’e ’ē, terā rā mai te mea ’aita ’outou i fa’ahiahia i te huru o te mau mea i tupu i ma’iri.
Nā roto ia Iesu Mesia, te Fatu Ora ’e te Fa’aora, tē vai ra noa ā te hō’ē ha’amatara’a ’āpī ; e hōro’a noa ’oia i te tīa’ira’a.
’O Iesu Mesia te pūai o te mau ’utuāfare [,] te feiā āpī [’e] te mau metua.