Te ’ā’amu pāsa fa’ahiahia roa a’e ’aita i fa’ati’ahia a’enei
Parau ’īritihia
Nāhea tātou i te fa’ahōho’a i te ha’api’ira’a ’e te fa’ahanahanara’a i te ti’afa’ahoura’a o Iesu Mesia, te ’ā’amu nō pāsa, ma te hō’ē ā fāito, te ’īra’a ’e te peu rahi o te ha’apa’ora’a fa’aro’o nō te fānaura’a o Iesu Mesia, te ’ā’amu o noera ? […]
[…] ’E ’ua fāri’i mātou i teie epiphania o te ra’i : Ta’a ’ē atu i te mau ’īrava faufa’a roa nō ni’a te pāsa i roto i te Faufa’a ’Āpī, tātou, ’ei feiā mo’a i te mau mahana hope’a nei, ’ua fāri’i tātou i te hō’ē hōro’a fa’ahiahia roa nō pāsa ! […] ’Oia mau, tē parau nei au nō te Buka a Moromona, ’e te mea pāpū roa atu, te ’ā’amu ïa o Iesu Mesia i te fāra’a i te mau ta’ata nō te ao ’āpī, i roto i tōna ti’afa’ahoura’a hanahana […]
[…] Tē ti’aturi nei mātou ē, e riro teie mau pene o te 3 Nephi ’ei tuha’a nō tā tātou peu tumu nō pāsa, mai te Luka 2 tei riro ’ei peu tumu nā tātou nō te noera. Te ti’ara’a mau, tē fa’ati’a nei te Buka a Moromona i te ’ā’amu rahi roa a’e nō pāsa, ’aita i fa’ati’ahia a’enei. ’Eiaha ’ia riro ’ei ’ā’amu rahi roa a’e nō pāsa ’aita roa a’enei i fa’ati’ahia.
Tē ani atu nei au ia ’outou ’ia hi’o i te Buka a Moromona i roto i te hō’ē huru hi’ora’a ’āpī, ’e ’ia feruri i te ’itera’a pāpū hōhonu tā te reira e fa’a’ite nei nō ni’a i te vaira’a mau o te Mesia tei ti’afa’ahou ’e tae noa atu i te faufa’a rahi ’e te hōhonu o te ha’api’ira’a tumu a te Mesia […]
’Ua riro tōna haerera’a mai ’ei Fa’aora tei ti’afa’ahou, tei fa’a’itehia mai e te Atua te Metua, ’ei parau poro’i hanahana rahi ’e te ’ūmere nō pāsa. E tauturu te reira i te mau melo o tō tātou ’utuāfare ’ia fāri’i i te hō’ē ’itera’a pāpū nō te ta’ata iho, nō ni’a ia Iesu Mesia ’ei Fa’aora ’e ’ei tāra’ehara nō tātou, tei ’ōfati i te mau tā’amu o te pohe.