’Eiaha e ha’apae i te hō’ē noa atu fāna’ora’a ’ia parau pāpū nō te Mesia
Parau ’īritihia
Noa atu ē ’aita tātou e fāna’o nei i terā fārerei-tino-ra’a mai ia rātou i haere nā muri i te Mesia i te tau nō tāna tāvinira’a i te tāhuti nei, nā roto rā i te Vārua Maita’i, e ti’a ia tātou ’ia ’ite i tōna mana i te mahana tāta’itahi ! Te rahi te noa’a mai ! […]
[…] Tō tātou pirira’a i te Mesia, e tupu ïa nā roto i te ha’amori-pinepine-ra’a i roto i te hiero, nā roto i te tātarahapara’a tāmahana, te tuatāpapara’a pāpa’ira’a mo’a, te haerera’a i te purera’a ’e i te séminaire, te ferurira’a i tā tātou ha’amaita’ira’a patereareha, te fāri’i-ti’a-mā-ra’a i te mau ’ōro’a ’e te fa’aturara’a i te mau fafaura’a mo’a. E tītau manihini te reira mau mea ato’a i te Vārua ’ia tūrama i tō tātou ferurira’a, ma te hōro’a ato’a mai i te tahi atu ā hau ’e te pārurura’a. Tē fa’atura nei rā tātou i te reira ’ei fāna’ora’a mo’a nō te parau pāpū nō te Mesia ? […]
E mana i roto i te fa’arirora’a i teie mau peu mo’a ’eiaha mai te hō’ē tāpura ’ohipa, mai te hō’ē rā ’itera’a. E ’ohipa ’o tē mara’a māite, terā rā e ’ohipa tē tupu nā roto i te ’āmuira’a tāmahana ’e te ’āmuira’a itoito ’e te mau ’ohipa mana’o pāpū nā muri i te Mesia. ’Ia tāmau tātou i te ha’a mai te au i tāna ha’api’ira’a, e noa’a tō tātou ’itera’a pāpū nōna ; e patu tātou i te hō’ē tā’amura’a iāna ’e i tō tātou Metua i te ao ra. E ha’amata tātou i te riro mai ia rāua te huru.
’Ua rahi roa ho’i te māniania a te ’enemi, e mea huru fifi ’ia fa’aro’o i te reo o te Fatu […] ’Ua hina’aro tātou i te fa’atupu i te mau peu pūai nō te ti’ara’a pipi ’e te ’itera’a pāpū ’o tē fa’arōtahi i ni’a i tō tātou tūru’ira’a i ni’a i te Fa’aora, i te mahana tāta’itahi.
[…] ’A ’imi i te Mesia i te mau vāhi ato’a―Tē parau nei au ia ’outou tei reira ’oia ! Tei ni’a te ’oa’oa mau i tō tātou ineine ’ia ha’afātata mai ā i te Mesia ’e ’ia ’ite tātou iho.