Uwaak eo Ej Aolep Iien Jisōs Kraist
Jidik in kōnono in
Juon wiik jān rainin ej Jabōt in Ijtō. Ej iien kautiej eo aorōk tata n̄an etale rikaļoor ro an Jisōs Kraist. Un leplep eo jej keememej e Kūrijm̧ōj ej kōnke kōn Ijtō. …
… Kōnke kōn Jisōs Kraist, jemaron̄ ukweļo̧k im meļo̧kļo̧k jerawiwi ko ad. Kōnke kōn E, kajjojo iaad naaj jerkakpeje. …
… Ij akweļap ippāmi n̄an itok n̄an E bwe En maron̄ kemour kom̧! E enaaj kemour kom̧ jān jerawiwi ilo ami ukweļo̧k. E enaaj kemour kom̧ jān būrom̧ōj im mijak. E enaaj kemour kom̧ jān kinej ko an lal in.
Jabrewōt kajitok ak inebata ko ami, aolep iien jej lo uwaak ko ilo mour eo im katak ko an Jisōs Kraist. Katak eļapļo̧k kōn Pinmuur eo An, An iakwe, An tūriam̧ok kake, An katak, im An gospel in kōmour im eddōkļo̧k me em̧ōj an kar jepļaaktok. Oktakļo̧k n̄an E! Ļoor E!
Jisōs Kraist ej un eo jej kalōk tampeļ ko. Kajjojo ej m̧weo ekwojarjar Im̧ōn. Kōm̧m̧ani bujen ko im bōk kain̄i ko remenin aikuj ilo tampeļ eo, barāinwōt pukōt n̄an epaakeļo̧k E ijōņ, naaj kōjeraam̧m̧an mour eo ami ilo wāween ko ejjeļo̧k bar kain kabun̄ jar emaron̄. Kōn un in, jej kōm̧m̧an aolep men ilo kajoor eo ad n̄an kōm̧m̧an bwe kōjeraam̧m̧an ko an tampeļ ren pidodoļo̧k tōpari n̄an membōr ro ad aolepān laļ in. …
Ro jeiū im jatū rejitōnbōro, ij kwaļo̧k kam̧ool bwe Jisōs Kraist ej tōl jerbal ko an Kabun̄ eo An. Ij kam̧ool bwe ļoor E ej iaļ eo de in n̄an m̧ōņōņō eo n̄an indeeo.