M̧wen̄an eo an Jibbon̄ in Jabōt
Kōlm̧enļo̧kjen eo Aō ekar Pen ilo Ļōmņak in Kōn Jisōs Kraist
Bōk Jidikin Kenono eo
Juon bwebwenato ekabwilōn̄lōn̄ ilo Bok in Mormon ej kwaļo̧k kōn juon likao jān juon baam̧le ebun̄bun̄ kar etan Alma eo me jeje ko rekwojarjar rej kōmeļeļeiki āinwōt juon rinana eo ejjab tōmak. …
Ilo inepata eo an em̧wilaļ, ekar keememej aer kar katakin e ke ekar jodikdik kōn “itok eo an juon Jisōs Kraist, juon Nejin Anij, n̄an pinmuur kōn jero̧wiwi ko an laļ” [Alma 36:17]. … Ilo an kar kajjitok kōn kajoor kwojarjar eo an Rilo̧mo̧o̧r, juon men ekabwilōn̄lōn̄ ekar waļo̧k. … Ejjab to ekar en̄jake aenōm̧m̧an im meram. …
Alma “kar repiji ibben” m̧ool eo kōn Jisōs Kraist. …
… Jerbal ilo tōmak ilo m̧ool in, im kōn kajoor im tūriamo̧ eo an Anij, kar kōjparoke jān metak im obrak kōn kōjatdikdik.
… Ļōmņak ko ad em̧ōj bar “repiji ļōmņak in” kōn Jisōs Kraist im wūjlepļo̧k in tūriamo eo An, im jetōb ko ad rekar en̄jake meram̧ im lan̄lōn̄ ko rej itok. …
… Iakwe eo ad n̄an E ejjab pinej kōj jān būromōj im ajļo̧k ilo mour in, ak ej kōtlo̧k kōj n̄an etetal ilo apan̄ ko kōn kajoor eo eļap jān jon̄an eo eped ipped make. …
Ilo ad mije kōļmenļo̧kjeņ ko ad ioon Jisōs Kraist, aolep men ipeļaakid—jekdoon n̄e kiiō—ej kwaļo̧k jān iakwe eo ad n̄an E. … Ilo am̧ wōnmaanļo̧k n̄an mije ilo am repiji ļōmņak in kōn Jisōs Kraist, lōke E, im kōjpārok kien ko An, ij kallim̧ur n̄an kwe ejjab kōn tōl in lan̄ wōt ak kōn kajoor in lan̄—kajoor me ej boktok maron̄ n̄an bujen ko am̧, aenōm̧m̧an n̄an men ko reppen n̄an eok, im m̧ōņōņō n̄an kōjeram̧m̧an ko am̧.