Katak ko an Jisōs Kraist
Jidik in kōnono in
Āinwōt an rikanaan Nipai kar katakin kōj, jej aikuj “kwōjkwōj ioon naan ko an Kraist; bwe lo, naan ko an Kraist renaaj jiron̄ kom̧ aolep men ko kom̧ij aikuj kōm̧m̧an.”1 … Ennaan eo aō rainin ej kobain naan ko an Rilo̧mo̧o̧r me ikar kāāleti kōn—ta eo Eaar ba. …
“[Kien eo eḷap ilo kien eo ej en̄in:] kwōn yokwe Irooj am̧ Anij kōn aolepen būruom̧ im kōn aolepen am̧, im kōn am̧ ļōmņak otemjej.
“En̄in kein eo eļap im m̧oktata.
“Im eo kein ka ruo āinwōt in, Kwōn yokwe ri turum̧ im āinwōt kwe.
“Kien otemjej im ri kanaan rej ekkejel ilo kien kein ruo.”2 …
“Em̧ool, em̧ool, Ij ba n̄an kom̧, kom̧ aikuj ekkōl im jar iien otemjej, bwe kom̧in jab po ilo kapo an devil, im naaj tōlļo̧k kom̧ rikōm̧akoko n̄an e.”3 …
“Kōn menin, jabdewōt men kom̧ naaj kōm̧m̧an, kom̧ naaj kōm̧m̧an ilo Eta; kōn menin kom̧ naaj ņa etan kabun̄ eo ilo Eta.”4 …
“Kiiō en̄in ej kien eo: Kom̧in ukeļo̧k, kom̧ aolep jeban ko an laļ, im itok n̄an Eō im peptaij ilo Eta, bwe kom̧in maron̄ kokwōjarjar jān bōke Jetōb Kwōjarjar, bwe kom̧in maron̄ jutak ilo ejjeļo̧k libbijinjin im̧aō ilo raan eo āliktata.”5 …
Kemij tōmak ilo Kraist. In kōjem̧ļo̧ke kōn ta eo Eaar ba elmen ad aikuj jeļā im ļoor katak ko An.
“Ak Ri Kaaenōm̧m̧an, E Jetōb Kwojarjar, Eo Jema enaaj jilkintok ilo Eta, Enaaj katakin kom̧ men otemjej, im kakememej men otemjej n̄an kom̧, men ko Iar ba n̄an kom̧.”6