Pukōt Aenōm̧m̧an eo Am̧ Make
Jidik in kōnono in
Rainin inaaj kōnono kōn ta eo ikar ekkatak kake kōn mennin kabwilōn̄lōn̄ eo kōn pukōt aenōm̧m̧an eo an juon make, jekdo̧o̧ņ ta jekjek ko ad. …
Ikar ekkatak diktata ļalem m̧ool ko [jān] katak jab in an Rilo̧mo̧o̧r.
M̧oktata, menin letok eo an aenōm̧m̧an ej letok ālkin an wōr ad tōmak n̄an kōjparok kien ko An. …
Ruo, Jetōb Kwojarjar eo enaaj itok im jokwe ilo kōj. …
Jilu, Rilo̧mo̧o̧r ej kallim̧ur bwe ilo ad kōjparok bujen ko ad, jemaron̄ en̄jake iakwe eo an Jemedwōj Ilan̄ im Nejin n̄an doon im n̄an kōj. …
Emen, kōjparok kien eo an Irooj ej aikuji eļapļo̧k jān pokake. Jej aikuj iakwe Anij kōn aolepān būruōd, maron̄, ļōmņak, im jetōb. …
Ļalem, ealikkar bwe Irooj ekar iakwe kōj n̄an kōļļāik wōņāān jerawiwi ko ad bwe jen maron̄—kōn ad tōmak ilo E im ad ukweļo̧k, kōn tokjen Pinmuur eo An—bōk menin letok eo an aenōm̧m̧an eo me “eļļā jān jeļā otemjej” [Pilippai 4:7] ilo mour in im Ippān indeeo. …
Membōr ro aolepān Kabun̄ in kar en̄jake menin letok eo an aenōm̧m̧an an juon make an Irooj. E ej kōketak aolep n̄an jipan̄ ro jet wōr aer iien em̧man n̄an itok n̄an E im karbōb n̄an ejja aenōm̧m̧an in wōt kōn er make. Innām, renaaj kāālet n̄an kappukōt im̧weo n̄an jeļā ekōjkan aer maron̄ leļok menin leļo̧k in n̄an ro jet.
Diktak in epepen eo enaaj erom rinaajdik epepen eo n̄an tokālik. Lōn̄ļo̧k in an jelet enaaj kwaļo̧k kabwilōn̄lōn̄. Enaaj ajeeded im eddōkļo̧k ilo iien ko, im aelōn̄ in kiin̄ eo an Irooj ioon laļ in enaaj pojak n̄an karuwainene E kōn lamōj ko in hosanna. Enaaj wōr aenōm̧m̧an ioon laļ.