Jisōs Kraist Ej Kajoor n̄an Pāāren Ro
Jidik in kōnono in
Āinwōt an Jisōs Kraist kajoor eo n̄an Jodikdik Ro, Jisōs Kraist ej barāinwōt kajoor eo n̄an pāāren ro. …
Iakwe an pāāren ro n̄an ajri eo ej juon kipel eo ekajoor ilo laļin. Ej juon iaan jejjo̧ men ko ioon laļin em̧ool enaaj indeeo. …
Bar juon kajoor ewōr ippāmi, āinwōt pāāren, ej eddo eo kajjojo raan, eo ejjeļo̧k jem̧ļo̧kin. …
Bar juon wāween Irooj ej jipan̄ ro pāāren ro ej kōn menin letok an revelesōn an juon make ban keidi. Anij ej kōņaan in lutōkleplep An Jetōb n̄an tōl ro pāāren ro. …
Bōlen jipan̄ eo eaorōktata Jisōs Kraist ej leļo̧k n̄an ro pāāren ro ej “oktak eo ekajoor” in bōro. Ej juon kabwilōn̄lōn̄ eo jej aolep aikuji. …
… Kōn jouj eo an Rilo̧mo̧o̧r, jidik lok jidik, kwonaaj kōļapļo̧k m̧wiļ ko pāāren ro rej aikuji: iakwe Anij im ro Nejin, kijenmej, jab lemnak kin kwe make, tōmak ilo Kraist, im peran n̄an kōm̧m̧ane jokālet ko rejim̧we. …
Kijejeto eo ad n̄an kalōk tōmak ilo Jisōs Kraist ej pedped ilo m̧weeo, pedped ioon kajjojo armej. Im Kabun̄ in ej jipan̄. Ijello̧kin leļo̧k jeje ko rekwojarjar im naan ko an rikanaan ro, Kabun̄ eo an Rilo̧mo̧o̧r ej letok elōn̄ kein katakin ko n̄an jipan̄ pāāren im ajri ro kōm̧m̧ani kāālet ko rejim̧we. …
Ilo karōk eo an Jemedwōj Ilan̄, kōttaan bamle rej jibadbad n̄an indeeo. En̄in ej unin, āinwōt juon pāāren, kwon jab ebweer, men̄e kwojjab m̧ōņōņō kōn wāween an men ko rekar waļo̧k m̧oktaļo̧k.
Kōn Jisōs Kraist, M̧aajta in Kōmour im Lomoor, enaaj aolep iien erom̧ juon ijjino ekāāl; E ej letok kōjatdikdik aolep iien.
Jisōs Kraist ej kajoor eo an baam̧le ko [,] Jodikdik ro[, im] pāāren ro.