Bwebwenato eo Em̧m̧antata kōn Ijtō Kar Kwaļo̧k
Jidik in kōnono in
Ekōjkan ad waanjon̄ak kōn katak eo im ad kakeememej Jerkakpeje eo an Jisōs Kraist, bwebwenato in Ijtō, kōn ejja jon̄an eo, tarlep in, im imminene in tōmak eo eaorōk kōn ļotak eo an Jisōs Kraist, bwebwenato in Kūrijim̧ōj? …
… N̄an kakkobaba lok ibben eoon ko raorōk kōn Ijtō ilo Kallim̧ūr Ekāāl, kōj āinwōt Armej ro Rekwojarjar ilo Raan Ko Āliktata jej kalibubu kōn menin letok in eļap ilo Ijtō! ! … Aaet ij ekōnono kōn Bok in Mormon eo, im eļaptata, kōn bwebwenato in an Jisōs Kraist waļo̧kļo̧k n̄an armej ro ilo Laļ eo Ekāāl ilo aiboojoj in jerkakpeje eo An. …
Jej kōjatdikdik bwe jenaaj kōm̧m̧an bwe jepta kein ilo 3 Nipai ren m̧ōttan imminene ko ad ilo Ijtō āinwōt ilo Luk 2 in imminene ko ad ilo Kūrijim̧ōj. Ilo m̧ool, Bok in Mormon ej kwaļo̧k bwebwenato eo em̧m̧antata kōn Ijtō kar kwaļo̧k. Jab kōtļo̧k bwe en juon bwebwenato in Ijtō eo em̧m̧antata me rejjan̄in kar kōnono kake.
Ij karuwaineneik eok n̄an kalimjōk Bok in Mormon ilo juon meram ekāāl im ļōmņak kōn kam̧ool eo eļap ej kwaļo̧k kōn Kraist eo em̧ōj an jerkakpeje im barāinwōt aorōkin im m̧wilaļ in katak eo an Kraist. …
Loļo̧k eo an āinwōt juon Rilo̧mo̧o̧r ejerkakpeje, kwaļo̧k kajjien jān Anij Jemed, ej juon ennaan in Ijtō aiboojoj im utiej. Enaaj jipan̄ baam̧le eo am̧ bōk juon kam̧ool an juon make kōn Jisōs Kraist āinwōt ad Rilo̧mo̧o̧r im Ripinmuur, eo ekar jaļōt to ko an mej ko.