“Kwo Naaj Jokwe ilo N̄a, im N̄a ilo Kwe; Kōn Menin Etetal Ippa”
Jidik in kōnono in
“Irooj eaar ba n̄an Inok: …
“… Kwōn jokwe ilo n̄a, im N̄a ilo kwe; kōn menin etetal Iippa” [Moses 6:32, 34; kōmejaj kar kobaitok]. …
Irooj Jisōs Kraist ej letok n̄an kōj kajjojo kūr eo n̄an jokwe ilo E. Bōtaab ekōjkan ad lukkuun in ekkatak im itok n̄an jokwe ilo E?
Naan eo jokwe ej kwaļo̧k pād wōt ak jab m̧akūtkūt im niknik ilo ejjeļo̧k ajeļo̧k. … Kōn menin, jej jokwe ilo Kraist ilo ad dim im kijin̄en̄e ilo wujlepļo̧k eo ad n̄an Rilo̧mo̧o̧r eo im jibadbad ko An rekwojarjar, ilo iien ko rem̧m̧an im nana.
Jej jino jokwe ilo Irooj kōn kōjerbal anemkwoj eo ad ilo mour in n̄an bōk iood make ine eo An kōn bujen ko im kain̄i ko an gospel eo kōjepļaaktok. …
Jej jokwe ilo E kōn m̧ool in kwojkwoj ioon naan ko an Kraist. …
Jej jokwe ilo E kōn m̧ool in kōppopo n̄an bōk kuņad ilo kain̄i eo an kwojkwoj eo. …
Kallim̧ur eo an Rilo̧mo̧o̧r eo n̄an ro rikaļoran eļap an aorōk: eļan̄n̄e jej jokwe ilo E, E enaaj jokwe ilo kōj. Bōtaab ilo m̧ool emaron̄ n̄an pidodo n̄an Kraist n̄an an jokwe ilo kwe im n̄a—kajjojo im juon make. Uwaak eo n̄an kajjitōk in ej juon aaet ejjeļo̧k kajjitōk kake!. …
… Bujen ekkejel eo ewōr ippād ippān Jemedwōj Ilan̄ im Nejin jerkakpeje emour ej un eo eļap tata an kōļmenļo̧kjeņ, kōjatdikdik, kajoor, aenōm̧m̧an, im lan̄lōn̄ eo indeeo …
… Ij kam̧ool kōn kallim̧ur eo an Rilo̧mo̧o̧r eo n̄an jokwe ilo kōj ej m̧ool im epād n̄an aolep rikōjparok bujen membōr in Kabun̄ eo An kar kōjepļaaktok. …
… Eļan̄n̄e jej jokwe ilo E, E enaaj jokwe ilo kōj.