Kwojeļā Etke N̄a Āinwōt juon Rikūrijtin Ij Tōmak ilo Kraist?
Jidik in kōnono in
Juon jota ālkin jerbal, iiō ko ļo̧k, ikar iuweļo̧k ilo baj eo ekkā aō bōke n̄an New Jersey jān New York City. Kōrā eo ikar jijet turin ekar kile ta eo ikar je ilo kamputōr eo aō im kar kajjitōk, “Kwoj tōmak ilo … Kraist?” …
… Ajri ro im jodikdik ro: kom̧ maron̄ ke kajjitōk ippān ro jinemi im jememi ak juon ritōl tok ālkin, “Etke Jisōs ekar aikuj in mej?” …
Ekwe, ikar karon̄ eo m̧ōtta ekāāl bwe ewōr juon ad jetōb ilo kakobaba n̄an juon ānbwin im bwe Anij ej Jemen jetōb ko ad. … Kōnke E ej iakwe im aolep ajri ro Nejin, E ekar kōm̧m̧ane juon karōk n̄an kōj n̄an bōk juon ānbwin ilo nememe in ānbwin eo An ekwojarjar, erom m̧ōttan juon baam̧le, im bar jepļaak n̄an im̧aan Mejen n̄an lelm̧ōņōņō kōn mour indeeo ippān baam̧le ko ad āinwōt E ej ippān baam̧le eo An. Bōtaab, ikar ba, jenaaj aikuj kar jelm̧ae ruo kabbōjrak ko ilo laļ in naan in ej menin aikuj: (1) mej ilo kanniōk—jepeļļo̧k eo an ānbwin ko ad jān jetōb ko ad. … Im (2) mej ilo jetōb—jepeļļo̧k eo ad jān Anij kōnke kōn jerawiwi ko ad, bōd ko, im jab wānōk ko āinwōt an wabanban ko kōttoļo̧k kōj jān im̧aan Mejān ekwojarjar. …
Ikar kam̧ool n̄an eo m̧ōtta, im ij rikam̧ool n̄an kom̧, bwe Jisōs Kraist ej Rilo̧mo̧o̧r [eo], bwe E ekar en̄taan, mej, im bar jerkak—An Pinmuur ejjeļo̧k jem̧ļo̧kin—n̄an lo̧mo̧o̧ren aolep armej jān mej in kanniōk im n̄an leļo̧k mour indeeo ippān Anij im baam̧le ko ad n̄an aolep renaaj ļoor E. …
Bun̄tōn ko Anij ekar kwaļo̧ki jej aikuj būki n̄an ļoor Jisōs im bōk mour indeeo rej ņa etaer katak an Kraist. Rej kitbuuj “tōmak ilo Jisōs Kraist im Pinmuur eo An, ukweļo̧k, peptaij [n̄an Kabun̄ eo an Jisōs Kraist im Armej ro Rekwojarjar ilo Raan Ko Āliktata], bōk menin letok eo an Jetōb Kwojarjar, im niknikin n̄an jem̧ļo̧kin” [Preach My Gospel (2019), 63].