Bōk Kajoor An Anij kōn Bujen ko
Jidik in kōnono in
M̧okta jān kar kōm̧anm̧an laļ in, Anij ekar ejaake bujen ko āinwōt kein jerbal ko im renaaj ko me jenej, ajri ro Nejin, maron̄ bar kakobaiki kōj make n̄an E. …
… Jej kōm̧m̧ane juon bujen wōt n̄e jej m̧ool n̄an kōj make n̄an kakūrm̧ool e. Jej erom̧ ajri in bujen ro nejin Anij im rijolet aelōn̄ in kiin̄ eo An, eļaptata n̄e jej lukkuun ņa kajjeed make ippān bujen eo.
Naan eo iaļan bujen ej iookļo̧k bujen ko rellōn̄ ijo im jej epaakeļo̧k Kraist im ekkeijeļo̧k Ippān. Ilo ad kapen bujen in, jemaron̄ bōk kajoor eo An indeeo. Iaļ eo ej ijjinoe kōn tōmak ilo Jisōs Kraist im ukweļo̧k, tok ālik peptaij im bōk menin letok eo an Jetōb Kwojarjar. …
Iaļan bujen eo ej tōlļo̧k n̄an kain̄i ko an tampeļ, eo āinwōt menin letok kwojarjar eo an tampel. Menin letok kwojarjar eo ej menin letok eo ekwojarjar an Anij me ej kōļapļo̧k ad ekkeijeļo̧k Ippān. …
Kōjparok bujen ko ad kar kōm̧m̧ani ilo jikin peptaij ko im ilo tampeļ ko rej barāinwōt letok n̄an kōj kajoor eo n̄an jutak ņae apan̄ ko im metak ko an bōro ilo mour in. …
Ilo am̧ etetal ilo iaļan bujen eo, jān peptaij n̄an tampeļ im ilo aolepen mour eo am̧, ij kallim̧uri eok kajoor eo n̄an jutak ņae anjiwiwi ko an mour in—kajoor eo n̄an ekkatak, kajoor eo n̄an ukweļo̧k im erreo, im kajoor eo n̄an kappukot kōjatdikdik, kaeņōm̧m̧an, im lan̄lōn̄ ilo am̧ jelm̧ae apan̄ ko an mour in. Ij kallim̧uri eok im baam̧le eo am̧ kōjparok jān kapo ko an rinana eo, eļaptata n̄e kwoj kōm̧m̧an bwe tampeļ eo ej juon mije eo eļap ilo mour eo am̧.