Kōjeraam̧m̧an in Petriak
Ecuador
Kōjeraam̧m̧an in Petriak eo Am—Im̧we in Tōl kōj jān Jemedwōj Ilan̄
Kōjeram̧m̧an in petriak eo aō ekar aorōk n̄an n̄a ke ikar dik kōn elōn̄ un ko. Kein kajuon, kajoor eo an Jetōb Kwojarjar, kōjeraam̧m̧an in petriak eo aō ekar jipan̄ n̄a meļeļe kōn lukkuun wōn n̄a n̄an indeeo—lukkuun wōn n̄a im wōn imaron̄ erom̧. … Ikar jeļā bwe rejela wōn n̄a im iakwe jān Jemedwōj Ilan̄ im aō Rilo̧mo̧o̧r im bwe Erro make rekar bōk koņaer ilo mour eo aō. Menin ekar jipan̄ eō ikideelel n̄an epaakeļo̧k Er im kōlapļo̧k tōmak eo aō im lōke Er. …
Ilo aō lukkuun jela kin n̄a make ekar jipan̄ n̄a meļeļe im ikideelel n̄an kōm̧m̧ane ta eo Anij ekōnaan jān eō. …
Menin ekar jipan̄ n̄a ekkatak bujen ko ikar kōm̧m̧ani im kōjeraam̧m̧an in kallimur ko ilo bujen eo an Anij ippān Ebream. Eaar letok n̄an n̄a juon reimaanļo̧k in indeeo bwe im ekar kadeel n̄a n̄an kōjparok bujen ko reļapļo̧k. …
Ekar menin aikuj n̄an n̄a n̄an bōk kōjeram̧m̧an in petriak eo aō ke ikar dik wōt im ilo an kar naan in kam̧ool eo aō kar eddōkļo̧k wōt. …
… Kaorōk kōjeram̧m̧an in petriak eo aō ke iaar dik ekar kōjeram̧m̧an n̄a kōn peran ke ikar ebweer, kaeņōm̧m̧an ke ikar mijak, aeņōm̧m̧an ke ikar en̄jake mijak, kōjatdikdik ke ikar en̄jake ejjeļo̧k kōjatdikdik, im lan̄lōn̄ eo ikar aikuji eļaptata. Kōjeraam̧m̧an in petriak eo ekar jipan̄ eō kōļapļo̧k aō tōmak im lōke ilo Jemedwōj Ilan̄ im ad Rilo̧mo̧o̧r. Eaar bar kōļapļo̧k aō iakwe n̄an Er—im eaar āindein.
N̄aat Kwoj Bōk Petriak Kōjeraam̧m̧an Eo Am̧
Likao ro im jiron̄ ro, pāāren ro, im bisop ro, petriak kōjeraam̧m̧an ko rejjab wōt n̄an kōppopo n̄an jerbale juon mijen. Membōr ro raar peptaij im rōrreo remaron̄ bōk petriak kōjeraam̧m̧an eo aer n̄e iien ejetjet n̄an er.
Ro jeiū im jatū, ij kwaļo̧k aō kam̧ool bwe Jemedwōj Ilan̄ im Nejin Ejitōnbōro Emake Wōt, Irooj Jisōs Kraist, emour. Rej iakwe kōj. Petriak kōjeraam̧m̧an ko rej menin letok ko rekwojarjar jān Er. N̄e kwoj bōk kōjeraam̧m̧an eo am̧, kwonaaj kile im en̄jake ekōjkan Aer iakwe eok im ekōjkan Aer kalimjōk eok makeļo̧k.