Jab Ebbweer jān Iien Em̧m̧an n̄an am Kamool kōn Kraist.
Jidik in kōnono in
Men̄e jemaron̄ jab kar itoklimo ilo ejja epaak eo wōt ilo kanniōk āinwōt ro rekar etetal ippān Kraist ilo jerbal eo An ioon laļ, kōn Jetōb Kwojarjar eo jemaron̄ en̄jake kajoor eo An aolep raan! Jon̄an wōt eo jej aikuji! …
… Epaak eo ad n̄an Kraist ej eddōkļo̧k kōn emakijkij kabun̄jar ilo tampeļ, ukweļo̧k raan otemjej, ekkatak jeje ko rekwojarjar, pād ilo jar im jemeneri, kejekļo̧kjeņ kōn kōjeraam̧m̧an ko an petriak eo ad, eddo n̄an bōk kain̄i ko, im kautiej bujen ko rekwojarjar. Aolepān men kein rej karuwaineneiktok Jetōb eo n̄an kōmeramļo̧k ļōmņak ko ad, im rej bōktok dam̧oļo̧k in aenōm̧m̧an im kōjparok. Bōtaab jej ke kautieji āinwōt iien ko rem̧m̧an rekwojarjar n̄an kam̧ool kōn Kraist? …
Ewōr kajoor ilo kōm̧mani iminene ko rekwojarjar jab āinwōt juon laajrak im eļapļo̧k an juon kam̧ool. Bun̄tōn eo enaaj jidik kōn jidik bōtaab eddōkļo̧k aolep raan kōn, niknik bōk koņaan im en̄jake ko ewōr tokjāer ippān Kraist. Ilo ad ikutkut jerbal ioon katak ko An, jej bōk juon naan in kam̧ool kōn E; jej kalōk juon jemjerā Ippān im Jemedwōj Ilan̄. Jej jino eromļo̧k āinwōt Er.
Rikapo eo ej ejake eļap ainikien ko me remaron̄ in pen n̄an ron̄ ainikien Irooj. … Jekōņaan ejaaki iminene ko an mour in rikaļoor im naan in kam̧ool me renaaj bōktok n̄an pedpede lōke eo ad ioon ad Rilo̧mo̧o̧r kajjojo raan.
Kappukōt Kraist aolep jikin―Ij kallim̧ur E pād ijo! M̧ōņōņō eo em̧ool ej pedped ioon kōnaan eo ad n̄an itok epakeļo̧k Kraist im kam̧ool n̄an kōj make.