Kukļo̧k M̧weo Ilo Ineem̧m̧an
Jidik in kōnono in
Jemen jetōb ko ad ej kōņaan bwe ajri ro Nejin ren kukļo̧k m̧weo ilo ineem̧m̧an. …
Ro me raar bōk gospel eo an Jisōs Kraist, jekdo̧o̧ņ ta menmenbwij eo, ej erom m̧ōttan aiintok an Israel. Ippān aintok in im oran tampeļ ko rej ekkal im kōjeļļā kaki, jej pād ilo juon jekjek ainjuon n̄an aintok Israel ilo rejet ko jim̧or an rōn̄ōl eo āinwōt ejjan̄n kar m̧okta ium̧win karōk eo an Jemed. …
… Jej kam̧m̧oolol bwe membōr ro im mijenede ro rej kiiō kōdepakpakļo̧k kijejeto ko n̄an aintok Israel eo ejepelōklōk. … Mekarta, kallim̧ur eo ad n̄an iakwe, kwaļo̧k, im karuwainene emaron̄in kanooj depakpakļo̧k.
Āinwōt juon m̧ōttan aorōk an kijejeto in an mijenede ej n̄an kajjojo membōr n̄an erom joor in meram in waanjon̄ak ko jabdewōt jikin jej jokwe ie. Jejjab maron̄ tileekek. Waanjon̄ak in Kraist eo ad an jouj, jim̧we, m̧ōņōņō, im iakwe m̧ool n̄an aolep armej ro maron̄ ejake ejjab wōt juon kakōl in meram n̄an er ak barāinwōt juon meļeļe me ewōr juon aba in kōjparok ilo kain̄i ko an lo̧mo̧o̧r im mour ijo eutiej tata an gospel eo an Jisōs Kraist kar kōjepļaaktok. …
Jej kautiej anemkwoj in kāālet eo. Ilo laļ in, elōn̄ rejjamin naaj uwaak im bōk kuņaer ilo aintok in Israel. Ak elōn̄ renaaj, im Irooj ej kōtmene ro me raar bōk gosepl eo An n̄an libujerjer kajjieon̄ in erom juon kakōļļe in meram in waanjon̄ak eo me enaaj jipan̄ ro jet itok n̄an Anij. Menin ej kōtļo̧k an ro jeid im jatid ilo aolepān laļ in n̄an lemōņōņō ilo kōjeraam̧m̧an ko reļļap im kain̄i ko an gosepl eo an Jisōs Kraist kar kōjepļaaktok im kukļo̧k m̧weo ilo ineem̧m̧an.