“Semati,” Me iSakisaki ni iTabagone, Julai 2023.
Semati
Aura K.
16, Nairobi, Kenya
iTaba mai vei Benson Arudo
Au taleitaka meu vavavi. Au taleitaka na matadredredre ka lako mai ena vavavi. Eda taleitaka kece na keki vivinaka. Dua na gauna a biuta tu mai o tinaqu na veigacagaca kece ni madrai vaka jaina e valenikuro, ia a sega ni namaka me cakava.
Au sa mani nanuma meu vavia na madrai vaka jaina ena vukuna. Sega ni dede au sa kila ni madrai vaka jaina e sega ni baleti koya. Ia, a vakavakarau tiko o koya me solia vei ira na nona gonevuli. E marau vakalevu o tinaqu niu vukei koya ena sala oya.
Na cakacaka ni kaulotu e dua tale na ka au dau taleitaka meu cakava! Eso na itaviqaravi ni Lotu au dau taleitaka meu solia vei ira na tamata na ilavelave ni ivolanikalou kei na laga serenilotu vei ira.
E dua tale na gauna a toboki au o noqu itokani niu wili Liaona tiko ka tarogi au me baleta na Lotu. Au vakamacalataka vua me baleta na veivutuni kei na Veisorovaki i Jisu Karisito. A malele sara o koya, kau solia vua na ilavelave ni Liaona.
Au taleitaka na vakatetei ni kosipeli vei ira na tani me rawa ni ra kila vakalevu cake na veika e baleta na Tamada Vakalomalagi.