Vosa ena Vosa

Na Gauna ni Veivakalesui Mai

Vulica na veika a tukuna na iApositolo o Pita vei ira na tamata me baleta na Veivakalesuimai.

iMatai ni Raivotu

iMatai ni Raivotu, mai vei Walter Rane

Cakacaka 3:19–21

19 O koya mo dou qai veivutuni, ka saumaki mai, me bokoci kina na nomudou ivalavala ca, me yaco kina na gauna ni vakacegu mai na mata ni Turaga;

20 Ena talai Jisu Karisito mai, o koya ka a vunautaki taumada vei kemudou:

21 Ia ko koya e dodonu me tiko mada ga mai lomalagi me yaco mada na gauna ena caka tale me vinaka kina na ka kecega, ka vosa kina na Kalou, ena gusudra kece na parofita yalosavasava ena gauna makawa..

gauna ni veivakavoui

Na “gauna ni veivakavoui” a tukuna o Pita baleta na gauna ena lako tale mai kina o Jisu Karisito. Ni oti na iKarua ni Lako Mai, “ena vakavoutaki ko vuravura ka ciqoma na kena lagilagi kei parataisi” (Yavu ni Vakabauta 1:10).

gauna ni veivakalesui mai ni veika kecega

“Na gauna ena caka tale me vinaka na ka kecega” e tukuna tiko baleta na Vakalesui mai ni kosipeli. Na gauna oya e okati kina na veisiga e muri oqo (noda gauna!) kei na gauna e lako tale mai kina o Jisu Karisito.

Vakalesuimai e kena ibalebale me kauta lesu mai se suka. A tekivu na Vakalesuimai ni kosipeli ena vulaitubutubu ni 1820, ena nodrau rairai mai na Tamada Vakalomalagi kei Jisu Karisito vua na Parofita o Josefa Simici. Oqori na gauna sa tekivu me kau lesu tale mai kina ki vuravura e vuqa na ka, oka kina na dina savasava i Jisu Karisito, lewa ni matabete, kei na Lotu.

o ira kece na nona parofita tabu mai na ivakatekivu kei vuravura

Mai na veigauna makawa, era sa tukuna tu na parofita ni na lako mai ki vuravura na Luve ni Kalou, o Jisu Karisito, ka mai noda iVakabula. Era sa tukuna talega ni na lako tale mai o Jisu Karisito ena ikarua ni gauna.

Era sa tukuna talega na parofita ni se bera ni lako tale mai na iVakabula, ena vakalesuya mai o Koya na Nona kosipeli kei na Nona Lotu ki vuravura. Na Veivakalesuimai era sa tukuna oti tu mai na parofita sa yaco tiko ena noda gauna oqo.