Yavu Tudei

Kunei ni Dua na iTikotiko, Loloma, kei na Veitokani

Droini mai vei Jessica Parker

Au a yabaki ono ena gauna meu biuta kina na noqu matavuvale ni sucu. E a rarawa sara ka veivakarerei. Ni oti e vica na vula mai na kena yaco oqo, au a rogoca taumada na veika baleti Jisu Karisito.

Sa tekivu meu sikova e dua na matavuvale ka yaco me noqu matavuvale susu. E vuqa na gone era dau lomani au ka lomana na iVakabula. Eratou vakatara na noqu matavuvale vou meu lako vata kei iratou ki lotu, kau vakila na veitaqomaki kei na marau e kea.

A taura e vica na yabaki ni lako ki lotu ka wilika na ivolanikalou ni bera niu kila na cava na kosipeli, kau vinakata sara vaka levu meu papitaiso. Au a qai yabaki 12 niu sa mai susu vei iratou na noqu matavuvale susu, kau a vakatarai meu papitaiso keu vinakata!

Ena noqu papitaiso, au wasea na noqu ivakadinadina ka vakila na loloma ni Kalou e wavoliti au ena dua na kaukauwa cecere.

Na wiliki ni iVola i Momani kei na vulici ni veika baleti Jisu sa vukei au meu kila niu sega ni tiko duadua kau luve ni Kalou. Ni sega mada ga ni yaco na ka au vinakata, ena tiko ga e kea o Koya me baleti au.

Violet B., Hawaii, Amerika