“Vitu na Siga ni Veiwasei,” Me iSakisaki ni iTabagone, Julai 2023.
Vitu na Siga ni Veiwasei
E rawa ni o wasea na kosipeli ena sala e matau ka rawarawa. O sa rawa beka ni ciqoma na bolebole oqo?
Ni da veitalanoataka na wasei ni noda ivakadinadina, eda dau vakasamataka wasoma na wasei ni noda ivakadinadina ena soqoni ni sakaramede se so tale na ituvaki. Ia eda sa vakayaloqaqataki meda “vakasaqara na madigi mo ni vakatubura na nomuni vakabauta ena kena ivakarau tudei.”1
Ena bolebole ni vitu na siga e toka e ra, e rawa ni o wasea na nomu ivakadinadina ena dua tale na sala e veisiga me dua na macawa. E rawa ni o cakava na veika oqo ena kena ituvatuva cava ga, se rawa ni o kauta mai na nomu vakasama ga vakataki iko! O sa rawa beka ni ciqoma na bolebole oqo?
Droini mai vei Emily Davis
Siga 1: Valenilotu
Navuca mo wasea na nomu ivakadinadina ena dua na soqoni ni lolo kei na soli ivakadinadina e valenilotu kevaka o ya e dua na ka o logaloga vinaka kina. Kevaka e sega, e rawa talega ni o wasea na nomu ivakadinadina e valenilotu ena nomu vakaitavi ena kalasi ena Sigatabu kei na semineri. Na vosa o wasea e kea e rawa ni laveti ira cake na tani ka vaqaqacotaka na nodra ivakadinadina vakakina na nomu.
Siga 2: iTokani
Na cava o vulica e valenilotu ena Sigatabu? sO taleitaka beka na ka e wasea e dua ena soqoni ni sakaramede se ena nomu veivosaki ni kalasi? E rairai na idola ni sere e dua vei ira na nomu serenilotu taleitaki. Tukuna vua e dua na itokani! Qai taroga talega na nodra mua ni macawa.
Siga 3: Vakauitukutuku raraba
Na itukutuku raraba e dua na vanua cecere me wasei kina na veika vakayalo ena kena ivakarau ka vakarawarawa. Ena siga oqo ni bolebole, sa rawa mo wasea e dua na vavakau me baleta na:
-
E dua na nomu tikina taleitaki mai na ivolanikalou.
-
E dua na vosacavuti veilaveti mai na koniferedi raraba.
-
E dua na vakasama se veika e sotavi vakayalo.
-
E dua na ka o dau taleitaka se vakavinavinakataka me baleta na iVakabula.
-
E dua na sala sa vukei iko kina o Koya se dua na itovo o qoroi Koya kina kei na vuna.
Siga 4: Text se Vidio
Vakauta e dua na itukutuku veilaveti vua e dua na itokani ena vavakau se vidio. Sa rawa mo wasea e dua na vosa ni koniferedi o nanuma ni ra na vinakata, tukuna vei ira e dua na ka o taleitaka me baleti ira, se wasea na nomu vakabauti Jisu Karisito. Me kena ivakaraitaki, era na gadreva beka me ra kila na loloma ni Tamada Vakalomalagi ena vukudra. E rawa ni o dau tukuna matanavotu talega vua e dua!
Siga 5: Veiqaravi
O na vakataroga beka na sala e rawa ni o wasea kina na nomu ivakadinadina ena nodra qaravi na tani. E tukuna na iApositolo o Paula vei Timoci, “Mo yaco mo nodra ivakarau era sa vakabauta, ena vosa, ena ivalavala, ena loloma, ena lomadina, ena yalosavasava” (1 Timoci 4:12) O koya mo vakaraitaka kina na nomu vakabauta ena nomu ivakaraitaki, ena nomu qaravi ira na tani me vaka ena qaravi ira na iVakabula.
Siga 6: Cakacakaniliga
Ena so na gauna era dau vakayagataka na tamata na cakacakaniliga me dua tale na sala me ra wasea kina na nodra nanuma kei na veika era vakila. E rawa ni o vakayagataka na droini, ceuceu, serekali, sereivakatagi, se dua tale na mataqali cakacakaniliga me wasei kina na veika o vakila me baleti Jisu Karisito kei na Nona kosipeli.
Siga 7: Veivosaki Vakamalua
Kakua ni rere mo cavuta na nomu vakabauta ena veigauna wale tu ga, me vaka ga ni o na wasea e dua tale na vakanananu e tiko vei iko me baleta e dua na ulutaga e soli mai.
E rawa, vakaidina, mo veitalanoataka na itaviqaravi ni Lotu se dua na ivolanikalou o wilika wale toka ga, ia e rawa talega ni vakamamadataka mai na kena o ya. Me kena ivakaraitaki:
-
Kevaka o vakila ni o vakauqeti ena veika bula, vakaraitaka na nomu vakavinavinakataka na ibulibuli ni Kalou vua e dua tale.
-
E rairai o a sotava wale toka ga oqo e dua na ka vakayalo totoka. Tukuna vua e dua na itokani kevaka e sega ni nomu ka ni tamata yadua.
-
Raica na vakasama vakosipeli ena dua na ivola se iyaloyalo o taleitaka, ka wasea na nomu raititobu.
Matau ka Rawarawa
Ni o kunea na sala duidui eso mo wasea kina na nomu vakabauta, ena yaco me matau cake tiko vei iko mo vakayacora vakakina. Ena rairai sakasaka taumada, ia sa donu! Nanuma tiko, na nomu ivakadinadina vakaikoya e sa matau tu vei iko—e tiki ni nomu bula. Na veiwasei e rawa ni yaco talega me ka rawarawa. Na ka ga e gadrevi me vakamacalataki vakalailai e veisiga yadua.
O na wasea vakacava na nomu ivakadinadina nikua?